ម្ចាស់ជ័យលាភីមហោស្រពសិល្បៈចម្រៀងខ្មែរ និងសមាគមសិល្បៈវប្បធម៌ខ្មែរនៅប្រទេសបារាំង មកបរិច្ចាគជូនមូលនិធិគន្ធបុប្ផាកម្ពុជាជាទឹកប្រាក់ចំនួន...

កាលពីថ្ងៃម្សិលមិញនេះ នៅលើផេកផ្លូវការរបស់ក្រសួងវប្បធម៌ និងវិចិត្រសិល្ប: បានបង្ហោះសារថា "ជ័យលាភីមហោស្រពសិល្បៈចម្រៀងខ្មែរជាសកលលើកទី៥ឆ្នាំ២០១៩ រួមនឹងសមាគមន៍សិល្បៈវប្បធម៌កម្ពុជា (ACK)នៅប្រទេសបារាំង នាំយកថវិកាជួយដល់មូលនិធិគន្ធបុប្ផា

បន្ទាប់ពីមហោស្រពសិល្បៈចម្រៀងខ្មែរជាសកលលើកទី៥ ឆ្នាំ២០១៩ ត្រូវបានបញ្ចប់រួច មក នៅថ្ងៃទី១ ខែវិច្ឆិកា ឆ្នាំ ២០១៩ បេក្ខនារីជ័យលាភី ឈុន ធីតា (ជ័យលាភីលេខ ១ផ្នែកចម្រៀងបុរាណ) និងបេក្ខនារីជ័យលាភី ធឿន សុគន្ធារី (ជ័យលាភីលេខ៣ផ្នែកចម្រៀងសម័យ) ព្រមទាំងសមាគមន៍សិល្បៈវប្បធម៌កម្ពុជា(ACK) នៅប្រទេសបារាំង បានរួមគ្នានាំយកថវិកាចំនួន៩០០ដុល្លា (ប្រាំបួនរយដុល្លាសហរដ្ឋអាមេរីក)ជូនដល់មូលនិធិគន្ធបុប្ផាកម្ពុជា ដើម្បីរួមចំណែកជួយដល់មន្ទីរពេទ្យគន្ធបុប្ផា ដែលកំពុងជួយដល់កុមារកម្ពុជាទូទាំងប្រទេស។

ក្នុងនាមកុមារជាតិកម្ពុជា គណៈកម្មការអន្តរក្រសួងរៀបចំមហោស្រពសិល្បៈចម្រៀងខ្មែរជាសកលលើកទី៥ ឆ្នាំ២០១៩ សូមថ្លែងអំណរ គុណយ៉ាងជ្រាលជ្រៅបំផុតចំពោះ លោកស្រីម្ចាស់ជ័យ លាភីទាំងពីររូប ព្រមទាំងសមាគមន៍សិល្បៈវប្បធម៌កម្ពុជា(ACK)នៅប្រទេសបារាំង ដែលបានលះបង់ថវិកាផ្ទាល់ខ្លួនជួយដល់មូលនិធិគន្ធបុប្ផា សូមកងការមហា កុសលដែលកើតចេញពីសទ្ធាប្រកបដោយភាពសប្បរសធម៌នេះបានជាប្រយោជន៍ដល់លោក លោកស្រីគ្រប់ក្តីប្រាថ្នាកុំបីអាក់ខានឡើយ។

អមជាមួយគ្នានោះផងដែរ ខាងមន្ទីរពេទ្យ ក៏បានបង្ហោះសារថា "ថវិកា ៩០០ ដុល្លារអាមេរិក ត្រូវបានម្ចាស់ជ័យលាភីមហោស្រពសិល្បចម្រៀងខ្មែរ និងសមាគមសិល្បវប្បធម៌ខ្មែរនៅប្រទេសបារាំងមកបរិច្ចាគជូនមូលនិធិគន្ធបុប្ផាកម្ពុជា

នារសៀលថ្ងៃសុក្រ ៥កេីត ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០១ ខែវិច្ឆិកា ឆ្នាំ២០១៩, អ្នកនាង ឈុន ធីតា និងកញ្ញា ធឿន សុគន្ធារី ដែលជាជ័យលាភីមហោស្រពសិល្បចម្រៀងខ្មែរជាសកលលើកទី៥ ឆ្នាំ២០១៩ រួមទាំងសមាគមសិល្បវប្បធម៌កម្ពុជា នៅប្រទេសបារាំង (ACK) បាននាំយកថវិកាចំនួន៩០០ ដុល្លារអាមេរិកមកបរិច្ចាជូនមូលនិធិគន្ធបុប្ផាកម្ពុជា សម្រាប់ជួយដល់មន្ទីរពេទ្យគន្ធបុប្ផា ក្នុងការពិនិត្យ ពិគ្រោះ និងព្យាបាលជំងឺកុមារនៅកម្ពុជា។ ថវិកានេះបានមកពីការទទួលជ័យលាភីលេខ១ នៃការប្រកួតប្រជែងសិល្បផ្នែកចម្រៀងខ្មែរបុរាណ និងជ័យលាភីលេខ៣ផ្នែកចម្រៀងសម័យ។

មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏សប្បុរសរបស់ម្ចាស់ជ័យលាភី និងសមាគមសិល្បវប្បធម៌ខ្មែរនៅប្រទេសបារាំង និងសូមបន្តអំពាវនាវ និងលេីកទឹកចិត្តដល់សប្បុរសជនខ្មែរក្រៅ និងក្នុងប្រទេសទាំងអស់ មេត្តាចូលរួមបរិច្ចាគថវិកាទាំងអស់គ្នាដេីម្បីភាពញញឹមកុមារដែលជាអនាគតដ៏ភ្លឺស្វាងរបស់កម្ពុជា។

សូមជម្រាបជូនថាមូលនិធិគន្ធបុប្ផាកម្ពុជានៅទទួលសមាជិកពីរប្រភេទគឺ៖ (១) សមាជិកកិត្តិយសដោយបរិច្ចាគចាប់ពី ២០ ០០០ ០០០ (ម្ភៃលាន) រៀល/៥ ០០០ (ប្រាំពាន់) ដុល្លារអាមេរិក ក្នុងមួយឆ្នាំ និង (២) សមាជិកគាំទ្រដោយបរិច្ចាគចាប់ពី ៥ ០០០ (ប្រាំពាន់ ) រៀល ក្នុងមួយខែ/៦០ ០០០ (ប្រាំមួយម៉ឺន)រៀល ក្នុងមួយឆ្នាំ។