ភ្នំពេញ៖ ពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ជាបុណ្យប្រពៃណីជាតិខ្មែរ ដ៏ធំមួយដែរ ក្នុងចំណោមពិធីបុណ្យ ប្រពៃណីជាតិ ដទៃទៀត ដែលជនជាតិខ្មែរ បានបង្កើតឲ្យមានឡើង ជាច្រើនរយឆ្នាំមកហើយ។ ពិធី​នេះ គេ​ប្រារព្ធ​ធ្វើឡើង​នៅ​ចំពេល​រដូវ​ទឹកសម្រក​ក្នុង​ខែកត្តិក ពេល​ព្រះ​ចន្ទ​រះ​ពេញ​រង្វង់​ត្រូវ​នឹង​ថ្ងៃ​១៥ កើត ខែ​កត្តិក​។

ព្រះរាជ​ពិធី​បុណ្យអុំទូក បណ្ដែត​ប្រទីប សំពះ​ព្រះ​ខែ និង​អកអំបុក តែង​ប្រព្រឹត្ត​ទៅជា​ផ្លូវការ​រយៈពេល ៣​ថ្ងៃ​នៅ​រាជធានី​ភ្នំពេញ គឺ​ចាប់ផ្ដើម​ពី​ថ្ងៃទី​១៤ កើត ដល់​ថ្ងៃ​១ រោច ខែ​កត្តិក ដោយមាន​បណ្ដែតប្រទីប​នៅ​ពេលយប់ ធ្វើ​នៅតាម​ដង​ទន្លេសាប​នា​កំពង់ផែ​មុខ​ព្រះបរមរាជវាំង​។​

យ៉ាងណាមិញ មន្ត្រីប៉ូលិសចរចរណ៍​ បានបំពេញភារកិច្ចតាមមុខងាក្នុងស្ថាប័ន​រដ្ឋ​ បានចេញប្រតិបត្តិការ ការពារ​សុខ​សុវត្ថិ​ភាព​ជូនប្រជាជនដែលមក​កម្សាន្តក្នុងរាជធានីភ្នំពេញ ដែលបងប្អូនខ្មែរជាច្រើនបានឈប់សំរាក និងទៅលេងបណ្តាខេត្តនានាក្នុងព្រះរាជាណាចក្រកកម្ពុជា។

ជាក់ស្តែង យោងតាមគណនីហ្វេសប៊ុកឈ្មោះ  ​News Traffic Police បានរៀបរាប់ពីសកម្មភាពបងៗសមត្ថកិច្ចថា “នគរបាល ចរាចរណ៍ផ្លូវគោក រាជធានីភ្នំពេញ៖ ឱ្យបងសូមទោសផងរំខានដល់អូន និងកូនហើយបានលេងបងដល់គោលដៅដែលបានប្រចាំការ ត្រូវកាតព្វកិច្ចការពារជូនប្រជាពលរដ្ឋទូទៅ ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងអបអំបុក សំពះព្រះខែ ភាពកក់ក្តៅរបស់អូន និងកូនវាជាកម្លាំងចិត្តជំរុញឲ្យបងខិតខំបំពេញតួនាទី ភារកិច្ចជូនបងប្អូនប្រជាពលរដ្ឋ”៕