ភ្នំពេញ៖ បងប្អូនច្បាស់ជាបានជ្រាបហើយថាសម្ដេចរាជបុត្រី ព្រះរៀម នរោត្តម បុប្ផាទេវី បានយាងសោយព្រះពិរាល័យក្នុងព្រះជន្ម ៧៧ព្រះវស្សា នាវេលាម៉ោង ១២:៣០ នាទី ថ្ងៃទី១៨ ខែវិច្ឆិកា ឆ្នាំ២០១៩ ក្នុងមន្ទីរពេទ្យព្រះរាជាណាចក្រថៃ ដោយជរាពាធ។ នេះបើតាមការផ្សាយរបស់ហ្វេសប៊ុក Royal du Cambodge។ ព្រះអង្គជានិមិត្តរូបនៃរបាំព្រះរាជទ្រព្យ សម្តេចព្រះរៀម បានទទួលព្រះគោរមងារថា «ទេពនាដវដ្តីឯក» និងជា «មរតកមនុស្សរស់របស់កម្ពុជា»។
នៅមិននេះបន្តិចបើយោងទៅតាមគណនីហ្វេសប៊ុកផេកដែលមានឈ្មោះថា Royal du Cambodge បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖ ព្រះតេជព្រះគុណបណ្ឌិត Kyuse Enshinjoh ស្ថាបនិកអង្គការព្រះពុទ្ធសាសនាពិភពលោកនិកាយ Nenbutsushu បានប្រារព្ធព្រះរាជពិធីថ្វាយមហាព្រះរាជកុសល ថ្វាយព្រះវិញ្ញណក្ខ័ន្ធ និងព្រះពិធីទទួលព្រះអដ្ឋិ នៃសម្តេចរាជបុត្រីព្រះរៀម នរោត្តម បុប្ផាទេវី នាប្រទេសជប៉ុន។