ភ្នំពេញ៖ កាលពីថ្ងៃទី១១ ខែធ្នូ ឆ្នាំ២០១៩នេះ ស្រ្តីម្នាក់ ដែលទើបតែសម្រាលកូនបានចំនួន១ខែនោះ ត្រូវបានប្តីវាយធ្វើបាប ហើយក៏ចុះចោលទៅបាត់ ដោយគ្មានអាណិតអាសូរដល់កូន និងប្រពន្ធអ្វីបន្តិចសោះ ដែលហេតុការណ៍នេះ បានកើតឡើង កាលពីវេលាម៉ោង៧និង៣០៥នាទីយប់ ស្ថិតនៅបន្ទប់ជួលភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ស្ត្រីកំសត់នោះមានឈ្មោះថា ចាន់ ភក្ដីចាន់ ភក្ដីអាយុ២៨ឆ្នាំនិងកូនប្រុសទើបបានជាង១ខែមានស្រុកកំណើត រស់នៅភូមិឫស្សីជួរ ឃុំក្រោលគោ ស្រុកស្វាយជ្រំ ខេត្តស្វាយរៀងស្នាក់នៅបន្ទប់ជួលកន្លែងកើតហេតុ។ ចំណែកប្ដីត្រូវគេស្គាល់ឈ្មោះ សារិទ្ធ អាយុ២៩ឆ្នាំរស់នៅស្រុកជាមួយគ្នាតែភូមិឃុំផ្សេងគ្នា។
បើតាមសម្តីរបស់ស្រ្តីរងកំសត់រូបនោះបានប្រាប់ថា ប្តីរបស់គាត់ ជាកម្មករសំណង់ បានស្រលាញ់គ្នាដោយចិត្តនិងចិត្ត ហើយរស់នៅជាមួយគ្នារហូតបានចំណងដៃកូនប្រុសម្នាក់ ដែលទើបតែសម្រាលបានមួយ១ខែប៉ុណ្ណោះ។ រឿងហេតុដែលបណ្តាលឲ្យពួកគាត់បែកបាក់គ្នានោះ គឺព្រោះតែប្តីរបស់គាត់បានហៅមិត្តភក្តិ មកផឹកស៊ីជាមួយគ្នា ហើយប្តីរបស់គាត់មានបំណងចង់ឲ្យមិត្តភក្តិរបស់គាត់ស្នាក់នៅជាមួយគ្នា ទាំងដែលខ្លួនឯងមិនទាន់មានអ្វីសោះ (ខ្លួនគាត់ក្រហើយ នៅហៅមិត្តភក្តិឲ្យមករស់នៅជាមួយគ្នាទៀត) ។ ភ្លាមនោះស្រ្តីជាប្រពន្ធគាត់បានប្រាប់ថា យើងកំពុងតែមានភាពខ្វះខាតខ្លាំងណាស់ ហើយកូនទើបតែសម្រាលរួច ដូចនេះគាត់មិនឲ្យមករស់នៅជាមួយគ្នានោះទេ ស្រាប់តែឈ្លោះប្រកែកគ្នា រហូតប្តីរបស់គ្នាលើដៃវាយប្រពន្ធ រួចក៏រៀបចំឥវ៉ាន់ ចាកចេញតែម្តង។
ស្រ្តីកំសត់បានប្រាប់ទៀតថា រាល់ថ្ងៃនេះ ខំតែបានម្ចាស់បន្ទប់គាត់មានចិត្តមេត្តា មិនយកថ្លៃជួលបន្ទប់ នោះទេ ហើយគាត់ក៏បានឲ្យលោកនាយរងប៉ុស្តិ៍ចោមចៅទី២មានការអាណិតអាសូរពេកក៏បានជួយជាអង្ករចំនួន៥គីឡូ និងម្ហូបអាហារព្រមទាំងមុងភួយដល់ស្ត្រីដែលត្រូវប្តីរត់ចោល៕