ភ្នំពេញ ៖ បងប្អូនច្បាស់ជាបានជ្រាបហើយថា ករណីបាក់អគារនៅខេត្តកែប បានឆក់យកជីវិតមនុស្សចំនួន៧នាក់ និងមានអ្នករងរបសួសទាំងអស់ចំនួនប្រមាណ៣០នាក់ ដែលជាកម្មករសំណង់ ត្រូវបានគេសន្និដ្ឋានថា បានជាប់គាំងក្នុងគំនរអគារនេះ។
យ៉ាងណាមិញចំពោះហេតុការណ៍មួយនេះដែរសម្តេចតេជោ ហ៊ុន សែន បានប្រកាសជាសាធារណៈនៅលើគណនីហ្វេសប៊ុកផេករបស់សម្តេចនៅមុននេះថា ៖ «ដើម្បីសម្រាលនៅការលំបាកសម្រាប់ជនរងគ្រោះ ទាំងអ្នករបួស និងគ្រួសារអ្នកដែលបានស្លា ប់ ខ្ញុំសម្រេចជួយឧបត្ថម្ភអ្នករបួសក្នុងម្នាក់ ៤០លានរៀល ស្មើនឹង១ម៉ឺនដុល្លារ ១០០០០ដុល្លារ។ សម្រាប់អ្នកស្លាប់សាកសពមួយថវិកាចំនួន ២០០លានរៀលស្មើនឹង ៥ម៉ឺនដុល្លារ និងបន្ថែម ១០លានរៀលសម្រាប់បុណ្យសពនិមួយៗ។ ថវិការដ្ឋ និងថវិកាសប្បុរសជនត្រូវបានប្រើប្រាស់សម្រាប់ការងារនេះ។ ជំនួយការខ្ញុំលោក សេង ទៀង នឹងយកថវិកាទៅដល់ផ្ទះនៃគ្រួសារសព»។
