ភ្នំពេញ៖ ដូចដែលបងប្អូនបានជ្រាបហើយរឿងយុវតីចំនួន៤នាក់បានព្រួតគ្នាវា យនិងថតបង្ហោះលើបណ្តាញសង្គម ជាសាធារណៈ ចំពោះទង្វើររបស់ខ្លួន ដែលបានធ្វើទៅលើយុវតីម្នាក់ទៀត ដែលជាសិស្សសាលាដូចគ្នា។ នៅថ្ងៃទី១៧ ខែមករា ឆ្នាំ២០២០ភាគីទាំងសងខាងបានសម្រួលបញ្ចប់គ្នាហើយ ដោយខាងជនរងគ្រោះបានទទួលសំណងពីជនបង្កចំនួន២០០០ដុល្លារ។ ជាមួយគ្នានោះផងដែរ នាយការិយាល័យ បានប្រាប់ថា បន្ទាប់ពីការសុំទោសហើយនោះ សមត្ថកិច្ចបានធ្វើកិច្ចសន្យាអប់រំ យុវតីទាំងអស់ឲ្យឈប់ប្រើអំពើហិង្ សាបែបនេះតទៅទៀត និងមិនត្រូវគុំគួនគ្នាឡើយ។
គួររំលឹកផងដែថា យុវតីរងគ្រោះរូបនេះមានឈ្មោះ ស្រ៊ុន កែវមរកត អាយុ១៤ឆ្នាំ រៀនថ្នាក់ទី៨ នៅវិទ្យាល័យ ហ៊ុនសែន ប៊ុន រ៉ានី ផ្សារដេីមថ្កូវ ចំែណកឯយុវតីជេីងខ្លាំងគឺមានម្នាក់រៀននៅវិទ្យាល័យទីតាំងកេីតហេតុខាងលើ និង៣នាក់ទៀតរៀននៅសាលាទួនហ្វា ហេីយពេលដែលពួកគេព្រួតវា យនោះ គឺជាពេលដែលគ្រូៗត្រូវប្រជុំ ទេីបជាឱកាសល្អអោយពួកគេវា យជនរងគ្រោះយ៉ាងចាស់ដៃតែម្តង។
យ៉ាងណាមិញ យោងតាមគណនីហ្វេសប៊ុក យុវតីរងគ្រោះខាងលេីនេះ ដែលមានឈ្មោះ Yu Eing មិនថាតែរូបសម្រស់ និងអត្តចរិតនោះទេ សុទ្ធតែទទួលបាននូវការកោតសរសើរពីមហាជនជាច្រើន។ ក្នុងនោះដែរ ក៏មានការលេីកទឹកចិត្តពីប្រិយមិត្តពេញបណ្ដាញសង្គមហ្វេសប៊ុក ដេីម្បីឲ្យយុវតីរង គ្រោះរូបនេះ មានការគិតល្អ ឈប់ភ័យខ្លាច និងបន្តការសិក្សារបស់ខ្លួនឡេីងវិញ។
មិនទាន់ចប់រឿងទេ បើយោងទៅតាមគណនីហ្វេសប៊ុកផេករបស់លោក ពេជ្រ ស្រស់បានធ្វើការបង្ហោះឲ្យដឹងនៅមុនបន្តិចថា ៖ ខ្ញុំនឹងដាក់មេធាវីរបស់ខ្ញុំប្តឹងក្មេងទំនើង ៤នាក់ ប្រព្រឹត្តបទល្មើសព្រហ្មទណ្ឌទៅតុលាការ ដោយមិនអាចយកលុយមកបញ្ចប់រឿងបានទេ បើពុំនោះទេនឹងកើតក្មេងទំនើងពេញស្រុកខ្មែរមិនខានឡើយ។ច្បាប់គឺជាច្បាប់ ច្បាប់សម្រាប់មនុស្សមិនគ្រប់អាយុក៏មានចែងដែរ។បញ្ជាក់មិនមែនខ្ញុំឈ្លោះជាមួយក្មេងទេ ប៉ុន្តែត្រូវតែពង្រឹងច្បាប់ គឺដើម្បីថែរក្សានូវសណ្តាប់ធ្នាប់សង្គម។១៧/០១/២០២០។
ចំនែកឯ បានធ្វើការបង្ហោះសារនៅលើគណនីហ្វេសប៊ុករបស់លោកចំពោះរឿងនេះយ៉ាងដូច្នេះថា ៖ ក្មេង៤នាក់ វាវាយគេយ៉ាងចាស់ដៃ ដោយក្នុងអារម្មណ៍របស់វាបង្ហាញកាយវិការដោយគ្មានអារម្មណ៍អាណិតអាសូរបន្តិចសោះលេីក្មេងស្រីម្នាក់នោះ ទីបំផុតវាសងសំណងត្រឹម២០០០ដុល្លាបញ្ចប់រឿង
យេីងមេីលមូលដ្ឋាន ២
១ ពេលលេីកដៃវាយគេវាអត់មានចិត្តអាណិតអាសូទេ ហេីយវាយម្ដងជាពីដង ចេតនានេះលក្ខណៈចិត្តសាស្ត្រ គឺក្រោមមនុស្ស psycho បន្តិចប៉ុណ្ណោះ ព្រោះប្រព័ន្ធប្រសាទរបស់វាត្រូវបានពង្វក់ដោយឥទ្ធិពលអាក្រក់មួយចំនួននឹងសង្គម ដោយអាចភ្ជាប់ជាមួយហ្សេនរបស់ក្រុមគ្រួសារឪពុកម្ដាយ ដែលមានចរឹតបែបហ្នឹងស្រាប់ផង ដូចនេះរូបារម្មណ៍នៃភាពអាណិតអាសូរ រន្ធត់ ភិតភ័យរបស់មនុស្សដែលមានស្រាប់ពីធម្មជាតិរបស់វាបានបាត់បង់អស់ស្ទេីពាក់កណ្ដាល
២ ពេលគេចាប់វាអោយឈរទន្ទឹមគ្នា វាមិនបង្ហាញអារម្មណ៍សូម្បីបន្តិចថា អាកប្បកិរិយារបស់វាដែលប្រព្រឹត្តនឹងមានភាពហួសហេតុ ក្នុងឥរិយាបថជាមនុស្ស វាអត់បង្ហាញចេតនាណាមួយថាវាស្ដាយក្រោយអីសោះ ជាទូទៅក្មេងស្រីអាយុ១៥ឆ្នាំ ការគិតវែងឆ្ងាយ ស្ទេីរមនុស្សប្រុសអាយុ២០ឆ្នាំ ដែលជាធម្មជាតិបានកំណត់មក តែក្មេងស្រីទាំងនេះបង្ហាញទង្វេីមិនមែនគាត់មានចរឹតក្មេងអ្វីនោះទេ ការពិតទង្វេីខុសឆ្គងរបស់គាត់ជាចេតនា ជាអំពេី នឹងជាគម្រូនៃភាពកាចសាហាវដែលប្រទូស្តនឹងសីលធម៌ខ្មែរមានមហាជនមួយចំនួនដែលគិតរាក់លេីបញ្ហានេះ គាត់និយាយថា សងលុយទៅចប់បញ្ហាហេីយ ទុកអនាគតអោយក្មេងទាំង៤នឹងផង
ខ្ញុំវិញគិតថា គួរអនុវត្តន៍ច្បាប់អោយបានតឹងរឹងជាធរមានចំពោះក្មេងទាំងនេះបេីសងត្រឹមលុយចប់បញ្ហា ទេីបជាការអោយក្មេងទាំង៤នោះបាត់បង់អនាគត ។ ក្មេង៤នេះ ត្រឹមសិស្សសាលា គ្មានលទ្ធភាពអីធំដុំផងក៏អាចបង្ករអំពេីប៉ុណ្ណឹងទៅហេីយ ប្រសិនជាតទៅមុខពួកគេនៅតែខ្វះការអប់រំមួយប្រកបដោយវិន័យតឹងរឹង ហេីយរួមទាំងគេមានលទ្ធភាពផង ប្រហែលអាចបង្ករបញ្ហាធំជាងនេះផង ។
យ៉ាងណាមិញទង្វេីក្មេងទាំងនេះ បានឆ្លុះបញ្ចាំងពីចរឹតឪពុកម្ដាយរបស់វាផ្ទាល់ ។ ដោយឡែកក៏ឆ្លុះបញ្ចាំងពីសង្គមផងដែរថាតេីនៅបណ្ដាសាលាណាទៀតដែលមានបញ្ហានេះ ហេីយត្រូវមានការទប់ស្កាត់ព្រោះសិស្ស ស្លូតៗអាចគេធ្វេីបាប ហេីយអនាគតពួកគេដែលត្រូវរងសម្ពាធនៅសាលា នឹងផ្លាស់ប្ដូរពួកគេអោយមានជំងឺផ្លូវចិត្តខ្ញុំសង្កេតមេីលថា ធនធានមនុស្សរបស់យេីង ផលិតភាពចេញមកមានភាពមិនពេញលេញ ព្រោះភាគច្រេីនកាលនៅកុមារ គេឆ្លងកាត់ការរៀនសូត្រ មួយដែលរងទៅដោយសម្ពាធ ។ នេះជាបញ្ហាមួយដែលពុំគួរមេីលរលង ៕