គួរឲ្យគោរពខ្លាំងណាស់...ឃើញអ្នកមីងម្នាក់ កំពុងតែអូសរទេះកាត់ក្តៅទាំងជើងទទេនោះ បងប្រុសម្នាក់ បានដោះស្បែកជើងជូនគាត់អ្នកមីងតែម្តង...

ពិតជារឿងមួយដែលគួរឲ្យសរសើរខ្លាំងណាស់ ក្រោយពីបានឃើញទង្វើរដ៏ល្អរបស់យុវជនខ្មែរយើង ចេះជួយគ្នា ពិសេសពេលឃើញបងស្រីម្នាក់កំពុងតែអូសរទេះអេតចាយ ទាំងជើងទទេ នៅតាមផ្លូវ ធ្វើឲ្យពួកគាត់ មានចិត្តអាណិតដល់បងស្រី យ៉ាងខ្លាំង និងបានដោះស្បែកជើងជូនបងស្រីម្នាក់នោះ ពាក់តែម្តង។

បើយើងតាមផេក មួយដែលមានឈ្មោះថា Angkor Fresh គាត់បានបង្ហោះសារយ៉ាងខ្លី អមជាមួយនិងរូបភាពមួយសន្លឹកថា "អត់ស្គាល់បងប្រុសម្នាក់នេះ ជានរណាទេ តែឃើញគាត់ដោះស្បែកជើងជូនមីងម្នាក់ ដែលអូសរទេះកាត់ក្ដៅទាំងជើងទទេ។ គួរឱ្យគោរពខ្លាំងណាស់ អរគុណបងប្រុស ហើយក៏សុំទោសដែលយករូបមកបង្ហោះ!"។

ទន្ទឹមនឹងនេះ ក៏មានបងប្អូនជាច្រើន បានធ្វើការចែករំលែក តៗគ្នាជាច្រើន ក្រោយពីឃើញកូនខ្មែរយើងចេះជួយគ្នា ពិសេសគឺបានធ្វើរឿងមួយដែលគួរឲ្យគោរពយ៉ាងខ្លាំង ចំពោះទង្វើរដ៏ល្អមួយនេះ ។សូមឲ្យបងប្រុសទាំងពីរនាក់ ជួបតែសំណាងល្អ និងបន្តការជួយនេះតទៅ៕