ភ្នំពេញ ៖ នៅកាលពីប៉ុន្មានថ្ងៃកន្លងទៅនេះនៅលើបណ្តាញសង្គមហ្វេសប៊ុកហាក់បីកំពុងតែមានការផ្ទុះខ្លាំងរឿងក្មេងស្រី កែវមរកត អាយុ១៤ឆ្នាំ រៀនថ្នាក់ទី៨ នៅវិទ្យាល័យ ហ៊ុនសែន ប៊ុន រ៉ានី ផ្សារដេីមថ្កូវ ត្រូវបានក្មេងស្រីមួយក្រុមបាននាំគ្នាធ្វើការព្រួតវាយធ្វើបាប លើរាងកាយយ៉ាងសា ហាវ ដូចជាសត្វធាតុ ឃើញហើយពិតជាខ្លោ ច ចិត្តខ្លាំងណាស់ ។
ទន្ទឹមនិងនេះដែរបន្ទាប់ពីបានមានការបែកធ្លាយនៅវិដេអូវាយធ្វើបាបនេះរួចបានធ្វើឲ្យគ្រួសារជនរងគ្រោះជាពិសេសឪពុកម្តាយមានអារម្មណ៍តក់ស្លុតខ្លាំងព្រោះទទួលយកមិនបាននៅសកម្មភាពដែលក្មេងស្រីមួយក្រុមនោះបានវាយធ្វើបាបមកលើកូនស្រីរបស់ខ្លួនយ៉ាងដូច្នេះ ព្រោះតាំងពីតូចដល់ធំគាត់មិនដែលហានវា យធ្វើបាបទៅលើកូនស្រីរបស់គាត់ទេគាត់ស្រលាញ់កូនគាត់ដូចជាកែវភ្នែកអញ្ចឹង ។
ជាមួយគ្នានេះដែរបន្ទាប់ពីបានឃើញដូច្នេះហើយខាងក្រុមគ្រួសាររបស់ប្អូនស្រីរងគ្រោះបាននាំកូនស្រីរបស់ខ្លួនទៅដាក់ពាក្យបណ្តឹង ទៅកាន់សម្ថតកិច្ចដើម្បីធ្វើការឃាត់ខ្លួនក្រុមក្មេងស្រីទំនើងមួយក្រុមនោះដើម្បីយកមកសួរនាំឲ្យដឹងមូលហេតុនិងដំណើរដើមទងដែលធ្វើឲ្យឈានដល់ការវាយធ្វើបាបកូនគាត់ដូច្នេះ ។
មកដល់ពេលនេះចំពោះរឿងនេះត្រូវបានបញ្ចប់ទៅហើយដោយខាងជនរងគ្រោះ ព្រមទទួលសំណងពីខាងជនសង្ស័យចំនួន២០០០$ ដើម្បីធ្វើការបញ្ចប់រឿងនេះ ប៉ុន្តែចំពោះការទទួលសំណងលុយនេះត្រូវបានមហាជនជាច្រើនបានសម្តែងនៅអារម្មណ៍មិនពេញចិត្តខ្លាំងព្រោះសំណងនេះវាមិនសាកសមទៅនិងទង្វើរបស់ក្មេងស្រីទំនើងមួយក្រុមនេះទាល់តែសោះ ។
យ៉ាងណាមិញនៅថ្ងៃនេះដែរ កាកបាទក្រហម កម្ពុជា បាននាំអំណោយថវិកាចំនួន២លានរៀល រួមជាមួយគ្រឿងឧបភោគមួយចំនួនយកមកជូនដល់ប្អូនស្រី ស្រ៊ុន កែវមរកត ដេីម្បីជាការលេីកទឹកចិត្ត ក៏ដូចជាជម្រុញដល់ក្មេងស្រីរូបនេះឲ្យឈប់មានការភ័យខ្លាច និងបន្តការខិតខំសិក្សាដេីម្បីអនាគតភ្លឺត្រចះត្រចង់ទៅថ្ងៃមុខ។
បន្ទាប់ពីទទួលអំណោយនេះរួចប្អូនស្រី ស្រ៊ុន កែវមរកត ក៏បានធ្វើការបង្ហោះថ្លែងអំណគុណទៅដល់កាកបាទក្រហម កម្ពុជាយ៉ាងដូច្នេះថា ៖ «សូមថ្លែងអំណរគុណយ៉ាងក្រៃលែងដល់លោកអ៊ុំខាងកាកបាទក្រហមកម្ពុជា ដែលបានអញ្ជើញមកសួរសុខទុក្ខរូបនាងខ្ញុំ ដែលជា ជន រង គ្រោះ ដល់ផ្ទះ» ៕