ផែង វណ្ណះ ៖ ឧត្ដមសេនីយ៍ត្រី ជេត វ៉ាន់នី ស្នងការរងនគរបាលខេត្តបាត់ដំបង លោកនិងតាមចាប់ខ្លួនជនដៃដល់មកទទួលខុសត្រូវចំពោះមុខច្បាប់ (វិដេអូ)

បាត់ដំបង ៖ បងប្អូនច្បាស់ជាបានជ្រាបហើយថា នៅកាលពីប៉ុន្មានថ្ងៃកន្លងទៅនេះមានក្មេងស្រីសិស្សសាលាម្នាក់ត្រូវបានសិស្សសលាសាប្រុស៤នាក់ព្រួតគ្នាវាយធ្វើបាបបណ្តាលឲ្យបែកក្បាលដេរ៣ថ្នេររហូតមកដល់ពេលនេះនៅមិនទាន់មានដំណោះស្រាយជូនប្អូនស្រីទេ ។

យ៉ាងណាមិញនៅមុននេះបន្តិចគណនីហ្វេសប៊ុកលោក ផែង វណ្ណះ បានធ្វើការបង្ហោះឲ្យដឹងជាសាធារណៈថា ៖ នៅក្នុងមួយរយៈពេលនេះរឿងក្មេងទំនើង បងធំបងតូច ជើងកាង ទាំងស្រីទាំងប្រុសបានកំពុងតែផ្ទុះកក្រើកយ៉ាងខ្លាំងនៅលើបណ្តាញសង្គមហ្វេសប៊ុក ហើយក៏ត្រូវបានសម្ថតកិច្ចធ្វើការបង្ក្រាបមកអស់ជាច្រើនករណីហើយដែរ ។

បន្ទាប់ពីទទួលបានដំណឹងថា ក្មួយស្រីម្នាក់រៀននៅសាលាអនុវិទ្យាល័យ កូនភ្នំមិត្តភាព ស្រុក សំពៅលូន ខេត្តបាត់ដំបង រងរបួសដោយសារតែ សិស្សប្រុសទំនេីង ៤ នាក់ រៀននៅថ្នាក់ទី ៧ A ព្រួតគ្នាវា យកាលពី រសៀលថ្ងៃទី ២២ ខែ មករា ឆ្នាំ ២០២០ វេលាម៉ោង ១:៣០ នាទី នៅមុននេះបន្តិច ខ្ញុំបានទាក់ទងសុំអន្តរាគមន៍ទៅ លោក ឧត្ដមសេនីយ៍ត្រី ជេត វ៉ាន់នី ស្នងការរងនគរបាលខេត្តបាត់ដំបង ទទួលបន្ទុកព្រហ្មទណ្ឌ ដេីម្បីចុះស្រាវជ្រាវករណីនេះ រកយុត្តិធម៌អោយក្មួយស្រីរងគ្រោះ ។ លោកឧត្ដមសេនីយ៍ត្រី ជេត វ៉ាន់នី បានអោយដឹងថា លោកនឹងស្រាវជ្រាវករណីនេះដេីម្បីចាប់ខ្លួនជនដៃដល់មកទទួលខុសត្រូវចំពោះមុខច្បាប់ ។ សូមទស្សនាវិដេអូខាងក្រោម៖