លោក បេន អរគុណពុកម៉ែបងប្អូន ដែលមិនទុកពួកគាត់ចោល រាល់ថ្ងៃគាត់ខំការពារព្រៃឈើទាំងនេះដើម្បីកូនខ្មែរគ្រប់រូប ជួយលើកទឹកចិត្តគាត់ផង
ស៊ីហៀង
-

បងប្អូនច្បាស់ជាបានជ្រាបហើយថា គ្រួសារ​បរទេស​មួយ​ដែល​បាន​បង្កើត​គម្រោង​អភិរក្ស និង​តំបន់​អេកូ​ទេសចរណ៍​នៅ​ដែនជម្រក​សត្វព្រៃ​ភ្នំ​ត្នោត​កំពុង​តែ​មានការនឿយចិត្តយ៉ាងខ្លាំង ជាមួយនិង​ការ ការពារសត្វព្រៃ​នៅ​ក្នុង​តំបន់​អភិរក្ស​ដែល​កំពុង​ប្រឈម​នឹង​ការកាប់​ទន្ទ្រាន​យក​ដី​ពីសំណាក់ជនខិលខូចមួយចំនួន ដែលកាប់បំផ្លាញព្រៃឈើនិងដុតព្រៃជាដើម។

ហើយនៅកាលពីម្សិលមិញនេះដែរគណនីហ្វេសប៊ុក លោក តាន់ គឹមសួរ​ បានធ្វើការបង្ហោះរៀបរាប់នៅលើបណ្តាញសង្គមហ្វេសប៊ុកថា ៖ អរគុណដែលខំប្រឹងដុត អរគុណដែលខំប្រឹងកាប់ទន្ទ្រាន អរគុណដែលអាជ្ញាធររុញច្រានបញ្ហាទាំងនេះដាក់គ្នាដោយគ្មានអ្នកណាទទួលខុសត្រូវ អរគុណគ្រប់យ៉ាងដែលបានផ្តល់ឲ្យភ្នំត្នោត អរគុណដែលទម្លាក់បន្ទុកមួយនេះដាក់មកលើជនបរទេសម្នាក់នេះ។ បេនអើយ ទៅស្រុកលោកវិញទៅ! លោកតែឯងការពារមិនឈ្នះទេ បន្ទុកនេះធ្ងន់ពេកហើយ ហើយគ្មានអ្នកណារវល់ជាមួយលោកទេ ប្រយ័ត្នសូម្បីតែអាយុជិវិតក៏រក្សាមិនបាន នាំប្រពន្ធកូនត្រឡប់ទៅស្រុកវិញទៅ!!! ខ្ញុំហត់ជំនួសលោកណាស់ ។

បន្ទាប់មកនៅមុននេះបន្តិចលោក តាន់ គឹមសួរ ក៏បានបង្ហោះសារបន្ថែមទៀតថា ៖ បេននិងក្រុមគ្រួសារបានផ្តាំផ្ញើតាមរយៈខ្ញុំទៅកាន់ពុកម៉ែបងប្អូនទាំងអស់គ្នាថាកុំឲ្យព្រួយបារម្ភពីពួកគាត់អី ហើយពួកគាត់ពីជារំភើបចិត្តនិងមានកំលាំងចិត្តជាខ្លាំងចំពោះការយកចិត្តទុកដាក់និងខ្វាយខ្វល់របស់ពុកម៉ែបងប្អូនទាំងអស់គ្នា អរគុណដែលមិនទុកពួកគាត់ចោល??? បើទំនេរ សំណូមពរពុកម៉ែបងប្អូនអញ្ជើញទៅសួសុខទុក្ខនិងផ្តល់កំលាំងចិត្តដល់ពួកគាត់ដោផ្ទាល់ផង??? ៕