ស្នងការដ្ឋាននគរបាលរាជធានីភ្នំពេញ សូមធ្វេីការបដិសេធទាំងស្រុងចំពោះគណនីហ្វេសបុកមួយដែលមានឈ្មោះថា Sem Tony ដែលបានបង្ហោះព័ត៏មានមិនពិតថា...មានវិដេអូ
ស៊ីហៀង
- 1597

ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ សូមធ្វេីការបដិសេធទាំងស្រុងចំពោះគណនីហ្វេសបុកមួយដែលមានឈ្មោះថា Sem Tony ដែលបានផុសរឿងមិនពិត ថា « ទុកម៉ូតូនៅការិយាល័យព្រហ្មទណ្ឌកម្រិតធ្ងន់តែ១យប់១ថ្ងៃ បាត់គ្រឿងម៉ូតូអស់ហើយ ទាំងបូមមុខ បូមក្រោយ បេនស៉ីម៉ាំង និយាយរួមមកគឺគ្រឿងសំខាន់អស់រលីងហើយ» ។

នៅព្រឹកថ្ងៃសៅរ៍ ទី០៦ ខែមិថុនា ឆ្នាំ២០២០ ក្រុមការងារព័ត៌មាន និងប្រតិកម្មរហ័ស និងការិយាល័យនគរបាលព្រហ្មទណ្ឌកម្រិតធ្ងន់ បានធ្វេីការកោះហៅឈ្មោះ សែម តូនី ដែលប្រេីប្រាស់គណនីហ្វេសបុកឈ្មោះ Sem Tony បង្ហោះព័ត៌មានមិនពិត ដេីម្បីចូលខ្លួនមកបកស្រាយបំភ្លឺករណីដែលខ្លួនបានផុសនូវព័ត៌មានមិនពិត ដែលធ្វេីឲ្យប្រជាពលរដ្ឋ និងមជ្ឈដ្ឋានទូទៅមានការយល់ច្រឡំមកលេីសមត្ថកិច្ច ជាពិសេសជាផុសនូវព័ត៌មានមិនពិតនេះធ្វេីឲ្យប៉ះពាល់យ៉ាងធ្ងន់ធ្ងរដល់កិត្តិយសរបស់សមត្ថកិច្ចដែលជាអ្នកអនុវត្តច្បាប់ ។

នៅចំពោះមុខសមត្ថកិច្ចឈ្មោះ សែម តូនី បានសារភាព និងទទួលកំហុសដែលខ្លួនបានផុសព័ត៌មានមិនពិតដែលធ្វេីឲ្យប្រជាពលរដ្ឋមានការយល់ច្រឡំ និងធ្វេីឲ្យប៉ះពាល់ដល់កិត្តិយសរបស់នគរបាលជាតិ ។ បុគ្គលរូបនេះក៏បានថតជាវីដេអូខ្លីបដេីម្បីធ្វេីការសុំទោសជាសាធារណ:នូវកំហុសដែលខ្លួនបានប្រព្រឹត្តិ និងសុំការយោគយល់ លេីកលែងទោសពីសមត្ថកិច្ចផងដែរ ។ ជាពិសេសបុគ្គលរូបនេះក៏បានធ្វេីកិច្ចសន្យាថា ចាប់ពីពេលនេះតទៅគឺឈប់ផុសរឿងមិនពិតទៀតហេីយ ។

ជាក់ស្តែងម៉ូតូដែលបានយកមករក្សាទុកនោះមិនមានបាត់បង់អ្វីដូចបុគ្គលរូបនេះបានផុសឡេីយ ហេីយសមត្ថកិច្ចថែមទាំងមានរូបភាពនៅពេលប្រគល់ម៉ូតូឲ្យវិញ ហេីយបុគ្គលរូបនេះក៏បានពិនិត្យយ៉ាងច្បាស់ថាមិនមានបាត់បង់អ្វីឡេីយ ។

សូមអានព័ត៌មានលម្អិតពីករណីនេះដូចខាងក្រោម :

ការិយាល័យនគរបាលព្រហ្មទណ្ឌកំរិតធ្ងន់សូមបំភ្លឺថា កាលពីថ្ងៃទី២៩ ខែឧសភា ឆ្នាំ២០២០ វេលាម៉ោង ១៨ និង ៣០នាទី ការិយាល័យនគរបាលព្រហ្មទណ្ឌកំរិតធ្ងន់ បានឃាត់ខ្លួនជនសង្ស័យ០៦នាក់ ពាក់ព័ន្ធករណីលួចមានស្ថានទម្ងន់ទោស(ប្រើកាំភ្លើងភ្ជង់ប្លន់យកកាបូបប្រាក់ និងជួញដូរគ្ រឿង ញៀ ន) និងកាន់កាប់អាវុធដោយខុសច្បាប់ ។

ក្នុងនោះមាន០២នាក់ពាក់ព័ន្ធករណីជួញដូរគ្រឿងញៀនមានឈ្មោះ ៖

ទី១. ឈ្មោះ ហុក ណារិន ភេទប្រុស អាយុ២៩ឆ្នាំ

ទី២. ឈ្មោះ ហ៊ាន ប្រឹមប្រិយ ភេទប្រុស អាយុ១៨ឆ្នាំ

និងបានដកហូតម៉ូតូ០១គ្រឿង ម៉ាកហុងដា សេ១២៥ ពណ៌ខ្មៅ ពាក់ស្លាកលេខ ក្រចេះ ១E.២៩៦៥ (ទាំង០២នាក់នេះគឺជាបងប្អូនជីដូនមួយនឹងគ្នា ) ។

ក្រោយពេលឃាត់ខ្លួនសមត្ថកិច្ចធ្វើការស្រាវជ្រាវជាលទ្ធផល ឈ្មោះ ហុក ណារិន មានការពាក់ព័ន្ធនឹងការសមគំនិតក្នុងការជួញដូរគ្ រឿង ញៀ ន ដោយឡែកម្នាក់ទៀតឈ្មោះ ហ៊ាន ប្រឹមប្រិយ (ឃាត់ខ្លួនក្នុងរង្វង់កិច្ចប្រតិបត្តិការ) មិនមានជាប់ពាក់ព័ន្ធក្នុងករណីគ្រឿងញៀនទេ ។ ដោយមានការអនុញ្ញាតពីព្រះរាជអាជ្ញាសមត្ថកិច្ចក៏បានធ្វើការអប់រំព្រមទាំងអោយអាណាព្យាបាលមកធានា និងធ្វើកិច្ចសន្យា រួចឲ្យត្រឡប់ទៅផ្ទះវិញ ព្រមទាំងប្រគល់ម៉ូតូឲ្យសាម៉ីខ្លួន ហើយបានពិនិត្យម៉ូតូ ព្រមទាំងនិយាយប្រាប់ថាមិនមានបាត់អីទេ ក៏បានយកម៉ូតូជិះចេញបាត់ទៅ ។

មានវិដេអូ៖


ប្រភព៖ ស្នងការដ្ឋាននគរបាលរាជធានីភ្នំពេញ

Loading...