ប្រធានាធិបតីហុងឌូរ៉ានលោក Juan Orlando Hernandez បាននិយាយកាលពីល្ងាចថ្ងៃអង្គារទី ១៦ ខែមិថុនាថាគាត់ត្រូវបានគេធ្វើរោគវិនិច្ឆ័យថាមានវីរុសកូវីដ១៩នេះ។ ហើយកំពុងតែទទួលការសម្រាកព្យាបាល នឹងធ្វើការពីចម្ងាយនិងតាមរយៈជំនួយការរបស់គាត់។

នៅក្នុងសុន្ទរកថាតាមទូរទស្សន៍លោក Hernandez បាននិយាយថា "ក្នុងនាមជាប្រធានាធិបតីនៃប្រទេសនិងជាអ្នកទទួលខុសត្រូវជំនួសឱ្យពលរដ្ឋនៅក្នុងប្រទេសផង លោកថានៅចុងសប្តាហ៍ខ្ញុំចាប់ផ្តើមមានអារម្មណ៍មិនស្រួលហើយថ្ងៃនេះខ្ញុំត្រូវបានគេធ្វើរោគវិនិច្ឆ័យថាបានឆ្លងនូវវីរុសកូវីដ ១៩នេះ" ។

លោកបាននិយាយថា“ ពួកគេបានផ្តល់អនុសាសន៍ឱ្យសម្រាកប៉ុន្តែខ្ញុំនឹងបន្តធ្វើការពីចម្ងាយនិងតាមរយៈជំនួយការរបស់ខ្ញុំ” ។ គាត់បាននិយាយថាគាត់កំពុងតែមានរោគសញ្ញាស្រាលហើយចាប់ផ្តើមទទួលការព្យាបាលហើយឥលូវនេះវាហាក់ដូចជាមានអារម្មណ៍ធូរស្បើយបន្ដិចម្ដងៗផងដែរ។

ភរិយារបស់លោក Hernandez និងជំនួយការពីរនាក់របស់គាត់ក៏ត្រូវបានគេធ្វើរោគវិនិច្ឆ័យថាបានឆ្លងនូវជំងឺមួយនេះផងដែរ ដោយឥលូវនេះពួកគេទាំងអស់គ្នាកំពុងតែត្រូវបានសម្រាកព្យាបាល។

ប្រទេសហុងឌូរ៉ាសបានរាយការណ៍ថាមានករណីឆ្លងវីរុសកូវីដ១៩ចំនួន ៩,៦៥៦ នាក់និងមនុស្ស ៣៣០ នាក់បានស្លាប់។

សម្រួលអត្ថបទដោយ៖SOEUR

ប្រភព channelnewsasia