ដោយសារតែវិបត្ដកូរ៉ូណា ធ្វើឱ្យក្មេងៗរាប់លាននាក់ នៅប្រទេសយ៉េមែន ប្រឈមនិងការកង្វះខាតនូវអាហាររូបត្ថម្ភជាខ្លាំង
ស៊ីហៀង
- 2033

រ៉យទ័រ៖ទីភ្នាក់ងារកុមាររបស់អង្គការសហប្រជាជាតិយូនីសេហ្វបាននិយាយកាលពីថ្ងៃសុក្រថាចំនួនកុមារដែលខ្វះអាហារូបត្ថម្ភនៅក្នុងប្រទេសយេម៉ែនអាចកើនឡើងដល់ ២,៤ លាននាក់នៅចុងឆ្នាំនេះដោយសារកង្វះថវិកាមនុស្សធម៌ដ៏ច្រើន។ របាយការណ៍របស់អង្គការយូនីសេហ្វបានព្រមានអំពីការកើនឡើង ២០% នៃចំនួនកុមារខ្វះអាហារូបត្ថម្ភក្រោមអាយុ ៥ ឆ្នាំដែលស្ទើរតែពាក់កណ្តាលនៃអាយុទាំងអស់នៅក្នុងប្រទេស។

លោកស្រី Sara Beysolow Nyanti តំណាងអង្គការយូនីសេហ្វបានមានប្រសាសន៍ថា“ ប្រសិនបើយើងមិនទទួលបានមូលនិធិបន្ទាន់ទេ នោះកុមារនឹងត្រូវរុញច្រានដល់ភាពអត់ឃ្លានហើយមនុស្សជាច្រើននឹងស្លា ប់” ដោយយើងមិនអាចប៉ាន់ស្មានចំពោះកម្រិតនៃភាពអាសន្ននេះបានទេ” ។ ប្រទេសយេម៉ែនត្រូវបានបំផ្លាញអស់រយៈពេលជាង ៥ ឆ្នាំមកហើយដោយសង្គ្រាមមួយដែលធ្វើឱ្យចលនាហ៊ូទីដែលមានសម្ព័ន្ធមិត្តអ៊ីរ៉ង់ដែលកំពុងតែគ្រប់គ្រងប្រទេសនេះជាច្រើនតំបន់និងក្រុមចម្រុះដឹកនាំដោយអារ៉ាប៊ីសាអូឌីតដែលគាំទ្រដល់រដ្ឋាភិបាលដែលមានការទទួលស្គាល់ជាអន្តរជាតិនៅភាគខាងត្បូង។

មនុស្សរាប់ពាន់នាក់បានស្លា ប់ដែលភាគច្រើននៃពួកគេជាជនស៊ីវិល ហើយវិបត្តិមនុស្សធម៌ជាប្រឈមនិងការខ្វះខាតជាបន្តបន្ទាប់ ដែលត្រូវបានគេកត់សម្គាល់ថាមានភាពអាក្រក់បំផុតនៅក្នុងពិភពលោក។ អង្គការសហប្រជាជាតិបាននិយាយថាខ្លួនមិនមានថវិកាគ្រប់គ្រាន់ដើម្បីរក្សាការឆ្លើយតបជំនួយចំពោះប្រទេសដែលកំពុងតែប្រឈមនិងការខ្វះខាតធំជាងគេមួយនេះបានឡើយ។ ចំពោះការផ្ដល់ជំនួយនៅខែនេះបានលើកឡើងពាក់កណ្តាលនៃអ្វីដែលត្រូវការហើយកម្មវិធីជំនួយដែលមានឥទ្ធិពលលើមនុស្សរាប់លាននាក់ត្រូវបានបញ្ចប់នៅប៉ុន្មានសប្តាហ៍ខាងមុខនេះ។

អង្គការយូនីសេហ្វកំពុងអំពាវនាវរកប្រាក់ ៤៦១ លានដុល្លារសម្រាប់ការឆ្លើយតបផ្នែកមនុស្សធម៌របស់ខ្លួនដែលបច្ចុប្បន្នមានតែ ៣៩ ភាគរយប៉ុណ្ណោះដែលផ្តល់មូលនិធិនិង ៥៣ លានដុល្លារសម្រាប់ការឆ្លើយតបរបស់ខ្លួន ដោយឡែកសម្រាប់កម្មវិធីប្រឆាំងនិងវីរុសកូរវីដ ១៩ ដែលមានតែ ១០ ភាគរយប៉ុណ្ណោះ។ កម្មវិធីអនាម័យ ការចាក់ថ្នាំបង្ការ និងកម្មវិធីកង្វះអាហារូបត្ថម្ភចំពោះការកាត់បន្ថយហានិភ័យចំពោះបញ្ហាទាំងនេះក៏កំពុងតែប្រឈមនិងការផ្អាកផងដែរ។

ប្រព័ន្ធសុខាភិបាលរបស់ប្រទេសយេម៉ែនគឺកំពុងតែមានឱនភាព ដោយពឹងផ្អែកលើការផ្តល់ជំនួយ។ ជំងឺអាសន្នរោគជំងឺគ្រុនចាញ់និងជំងឺគ្រុនឈាមមានសភាពធ្ងន់ធ្ងរចំពេលមានប្រជាជនខ្វះអាហារូបត្ថម្ភហើយវិបត្ដិធ្ងន់ធ្ងរទាំងនេះកើតឡើងមុនពេលមានការផ្ទុះឡើងនៃវីរុសកូវីដ១៩នេះទៅទៀត។

អង្គការយូនីសេហ្វបាននិយាយថាកុមារប្រមាណ ៧,៨ លាននាក់ពេលនេះបានរៀន ដែលធ្វើឱ្យពួកគេប្រឈមនឹងហានិភ័យនៃពលកម្មកុមារ ការជ្រើសរើសចូលទៅបម្រើនៅក្នុងក្រុមប្រដា ប់អា វុ ធនិងការរៀបការទាំងវ័យក្មេង។

ករណីនៃការឆ្លងវីរុសវីរុសកូវីដ១៩ ដែលត្រូវបានរាយការណ៍ដោយអាជ្ញាធរយេម៉ែនមានចំនួនលើសពី ១០០០ នាក់កាលពីថ្ងៃពុធ ប៉ុន្តែអង្គការសហប្រជាជាតិបាននិយាយថាវីរុសនេះកំពុងតែរីករាលដាលយ៉ាងខ្លាំងចំពោះប្រទេសដែលមានប្រព័ន្ធសុខាភិបាលអន់ខ្សោយ ហើយការឆ្លងទំនងជាមានច្រើន។

សម្រួលអត្ថបទដោយ៖ SOEUR

ប្រភព៖ RT