ភ្នំពេញ៖ ប្រិយមិត្តច្បាស់ជាបានស្គាល់រួចមកហើយថា អ្នកស្រី ទ្រី ដាណា ជានារីម្នាក់ដែលមានចិត្តសប្បុរសយ៉ាងខ្លាំង អ្នកស្រីតែងតែជួយទៅដល់ជនក្រីក្រដែលជួបការលំបាកដោយការផ្តល់ជាថវិការ និងជួយជាដើមទុនសម្រាប់រកស៊ី ។ សព្វថ្ងៃនេះ លោកស្រីជាថៅកែហាងលក់មាស ពេជ្រ និងជាបុគ្គលក្នុងសង្គមមួយរូប ដែលមានចិត្តល្អ មានចិត្ត សណ្តោសមេត្តា និងតែងតែបានជួយទៅដល់បងប្អូន ប្រជាពលរដ្ឋមួយចំនួនដែលកំពុងតែជួបនូវទុក្ខលំបាក់ ក៏ដូចជា មានបញ្ហាផ្សេងៗក្នុងគ្រួសារផងដែរនោះ ។
អ្នកស្រី ទ្រី ដាណា ឆ្លងកាត់ពីជីវិតដែលធ្លាប់លំបាកលក់ខោអាវជជុះក្រោមឆត្រមិនតិចឆ្នាំទេ ហើយជាកូនកំព្រាឪពុកម្ដាយទៀតផងទើបអ្នកស្រីទ្រីដាណា ខំប្រឹងតស៊ូររហូតទទួលបានជោគជ័យមកដល់សព្វថ្ងៃនេះ បច្ចុប្បន្នអ្នកស្រីមានជំនួញជាច្រើននៅក្នុងដៃ និងមានតំណាងចែកចាយផលិតផលរបស់អ្នកស្រីរាប់មុឺននាក់នៅទូទាំងប្រទេសកម្ពុជាផងដែរ ។
នៅមិនទាន់អស់នោះទេ ក្រោយពីបង្ហាញខ្សែរកពេជ្រ ១ខ្សែរដែលមានតម្លៃថ្លៃមហាសាល ឡាន Rolls Royce ពីរគ្រឿង ស្រាប់តែ លោកស្រី ទ្រី ដាណា បើកបង្ហាញនូវសម្បកទូរស័ព្ទ IPhone 11 Pro Max ដាំពេជ្រ ដែលមានតម្លៃនឹកស្មានមិនដល់ គឺតម្លៃ រហូតដល់៧០ម៉ឺនដុល្លារជាងឯណោះ តម្លៃនេះ គឺ លោកស្រី ទ្រី ដាណា បាននិយាយទៅកាន់ប្រិយមិត្តទាំងអស់គ្នាថា យ៉ាងពិតប្រាកដ ។
ក្រោយពីបានឃើញដូច្នេះហើយបានធ្វើឲ្យអ្នកគាំទ្ររបស់អ្នកស្រី លាន់មាត់ថាសម្បកទូរស័ព្ទ IPhone 11 Pro Max ដាំពេជ្រ ស្អាតខ្លាំងណាស់ មិនត្រឹមតែប៉ុនណ្ណោះទេមហាជនទាំងនោះក៏បានសរសើរទៅដល់អ្នកស្រី ទ្រី ដាណាផងដែរថា មិនត្រឹមតែស្អាត និងចិត្តល្អទេ ហើយថែមទាំងមានសម្ថតភាពខ្លាំងនៅក្នុងការរកសុីថែមទៀតផង ពិតជាគួរឲ្យយកគំរូតាមខ្លាំងណស់ ៕
សូមទស្សនាវីដេអូខាងក្រោម៖