ស្ទើរតែមិនជឿ ! ឯកឧត្តមបណ្ឌិត ម៉ុង ឫទ្ធី ប្រាប់ថា កាលពី៥០ឆ្នាំមុន ក្រុមគ្រួសាររបស់លោក ក៏ធ្លាប់មានជីវភាពដូចលោកពូម្នាក់នេះដែរ ហើយនឹងខំប្រឹងបន្ថែមទៀត ដើម្បី...

កាលពីថ្ងៃទី០៧ ខែសីហា ឆ្នាំ២០២០ លោកឯកឧត្តមបណ្ឌិត ម៉ុង ឫទ្ធី បានបង្ហោះរូបភាពប៉ុន្មានសន្លឹករបស់ លោកព្រមជាមួយឧត្តមភរិយា បានជួបជាមួយលោកពូម្នាក់កំពុងតែរែក ស្មៅ យ៉ាងកំសត់ ។ ភ្លាមនោះ ឯកឧត្តមបណ្ឌិត ម៉ុង ឫទ្ធី និងភរិយា បានសួរសុខទុក្ខ ដល់លោកពូ ព្រមជាមួយនិងរបស់បន្តិចបន្តួចផងដែរ។

លោកឯកឧត្តមបណ្ឌិត ម៉ុង ឫទ្ធី បានបង្ហោះសារថា "វេលាម៉ោង៤ល្ងាចថ្ងៃសុក្រទី០៧ ខែសីហា ឆ្នាំ២០២០ក្នុងដំណើរចុះមកមេីលចំការបានជួបសាកសួរសុខទុក្ខ ប្រជាពលរដ្ឋដែលចូលមកច្រូតស្មៅយកទៅអោយគោសុី បេីមេីលទៅជីវភាពរបស់ពួកគាត់មិនខុសពីជីវភាពរបស់គ្រួសារខ្ញុំកាលពី៥០ឆ្នាំមុននោះទេ ដេីម្បីជួយកាត់បន្ថយភាពក្រីក្ររបស់ពួកគាត់នោះ ខ្ញុំត្រូវតែខិតខំរកមធ្យោបាយវិនិយោកទុនលើវិស័យកសិកម្ម កសិឧស្សាហកម្មនៅទីជនបទបន្ថែមទៀតដេីម្បីផ្តល់ការងារជូនពួកគាត់ធ្វើ "។