មណ្ឌលគិរី ៖ កំពូលតារាចម្រៀងលោក ព្រាប សុវត្ថិ ដែលមហាជនគាំទ្រយ៉ាងច្រើនកុះករ កំពុងធ្វើដំណើរកម្សាន្តយ៉ាងសប្បាយរីករាយជាមួយក្រុមគ្រួសារ នៅភូមិភាគឦសាន ខេត្តមណ្ឌលគិរី ជាមួយនឹងទេសភាពស្រស់បំព្រង ដើម្បីស្រូបខ្យល់អាកាសបរិសុទ្ធ។
យ៉ាងណាមិញ នៅក្នុងដំណើរកម្សាន្ត ជាលក្ខណៈ គ្រួសាររបស់លោកតារាចម្រៀង ព្រាប សុវត្ថិ គឺពិតជាមានសុភមង្គល និងមានក្តីសុខយ៉ាងខ្លាំងណាស់ ព្រោះតែនៅទីនោះ ជាតំបន់ដែលមានទេសភាពព្រៃភ្នំ ខៀវស្រងាត់ មានសម្លេងសត្វយំ យ៉ាងពិរោះរណ្តំ អមជាមួយទឹកធ្លាក់ យ៉ាងត្រជាក់ជាប់ចិត្ត ធ្វើឲ្យអារម្មណ៍កាន់តែស្រស់ថ្លាឡើង ។
ជាក់ស្តែង តារាចម្រៀង លោកព្រាប សុវត្ថិ បានបង្ហើរសារយ៉ាងមានអត្តន័យនៅលើបណ្តាញសង្គមហ្វេសប៊ុករបស់ខ្លួនថា "ទេសភាព ធម្មជាតិ ដ៏ ស្រស់ស្អាតបំព្រងគឺជារបស់ខ្ញុំ បេីខ្ញុំចោលអ្នក ខ្ញុំពិតជាមិនគួរគប្បីនឹងខ្លួនឯង (មណ្ឌល គិរី ) (Preap Sovath Resort ) បេីកឆាប់ឆាប់នេះ "។