ភ្នំពេញ៖ ជឿជាក់ថា បងប្អូនជាច្រើនប្រាកដជាបានជ្រាបពីវត្តមានរបស់កំពូលតារាចម្រៀង លោកព្រាប សុវត្ថិ បានឈានជើងចូលផលិតកម្ម Galaxy Navatra ដោយតារាចម្រៀងលោក ព្រាប សុវត្ថិ បានចុះកុងត្រា ជាមួយផលិតកម្ម Galaxy Navatra ដោយក្រុមហ៊ុនបានរៀបចំពិធីស្វាគមន៍ដល់រូបលោក យ៉ាងអធិកអធមបំផុត មិនធ្លាប់មានពីមុនមក និងធ្វើឲ្យមហាជនពិតជាមានការភ្ញាក់ផ្អើលយ៉ាងខ្លាំង ។
បន្ទាប់ពីកំពូលតារាចម្រៀងលោកព្រាប សុវត្ថិ បានចូលរួមជាមួយគ្រួសារ ផលិតកម្ម Galaxy Navatra មក ផលិតកម្ម Galaxy Navatra បានបញ្ចេញបទរបស់លោកជាបន្តបន្ទាប់ ដើម្បីបម្រើអារម្មណ៍របស់ទស្សនិកជន ក៏ដូចជា ហ្វេនៗរបស់លោក បានស្តាប់កំសាន្ត នៅក្នុងឪកាស ភ្ជុំបិណ្ឌនេះ ។
ដោយឡែកនៅមុននេះបន្តិច ផលិតកម្ម Galaxy Navatra បានបញ្ចេញបទថ្មីរបស់លោកមួយបទទៀតហើយ គឺបទ "អូនជាឆ្មា បងជាកណ្តុរ " ។ នៅក្នុងបទចម្រៀង មួយនេះ ត្រឹមតែរយៈពេលបីម៉ោងប៉ុណ្ណោះ មានអ្នកចូលទស្សនា រហូតដល់ទៅជា១សែននាក់ទៅហើយ។
ទន្ទឹមនឹងនេះក៏មានបងប្អូនជាច្រើន បានចូលខមិន "ទឹកដៃនិពន្ធបទចម្រៀងមិនធម្មតា សូមសរសេីរ ព្រាប សុវត្ថិខ្ញុំស្រឡាញ់គាត់តាំងតែពីដេីមមក"។
មានវិដេអូ៖