អាណិតណាស់ ! អាយុខ្លីម្លេះ ធ្លាប់តែជាក្រុមបាល់ទាត់ជាមួយគ្នា តែពេលបាត់បង់សមាជិកម្នាក់ ដោយសារតែ...(មានវីដេអូ)

ប្រិយមិត្តខ្លះប្រាកដជាដឹងថាហើយ ការលង់ទឹកអាចបណ្ដាលឱ្យស្លាប់ កាលណាទឹក ឬវត្ថុរាវណាមួយធ្វើឱ្យស្ទះដំណើរខ្យល់ចូលទៅក្នុងមាត់ ឬច្រមុះ។ កុមារ តូចៗច្រើនមានគ្រោះថ្នាក់ច្រើនជាងគេ ព្រោះមិនសូវមានកម្លាំងគ្រប់គ្រាន់ដើម្បីជំនះលើគ្រោះថ្នាក់នេះ។ ការលង់ទឹកភាគច្រើន បណ្ដាលមកពីអ្នកលេងទឹកមិនអាចមើលដឹងពីជម្រៅទឹក ហើយដោយមិនសូវចេះ ឬមិនចេះហែលទឹក ដោយទឹកជំនន់បក់បោកខ្លាំង ឬ មានការធ្វេសប្រហែសមិនបានបំពាក់ឧបករណ៍សុវត្ថិភាពទៅជាមួយ ទើបងាយរងគ្រោះ។

ទោះបីជាមនុស្សធំពេញវ័យដែលចេះហែលទឹក ក៏នៅមានការលង់ខ្លះដែរ ព្រោះពួកគាត់ហត់ខ្លាំងពេកមិនអាចហែលមកដល់ទីទួលសុវត្ថិភាពបាន។ នៅមានការលង់ទឹកដោយសារបញ្ហាសុខភាពរាងកាយ ដូចជាមានអាការរមួលក្រពើពេលហែលដល់ទឹកជ្រៅជាដើម។ នៅមានការលង់ទឹកដោយអចេតនាមួយ ទៀត គឺករណីដែលជនរងគ្រោះមានបំណងចង់សម្លាប់ខ្លួន តែដល់ពេលថប់ដង្ហើមខ្លាំងទើបខំស្រែករកជំនួយ។

ជាក់ស្តែងប្អូនស្រីម្នាក់ ឈ្មោះ ភាក់ លីណា ( ហៅ ស្រីខួច) អាយុ១៣ឆ្នាំ ដែលជាកីឡាករបាល់ទាត់មួយមកពីក្រុម បាល់ទាត់ព្រួញមាសទំនប់ បានស្លាប់ដោយសាលង់ទឹកស្រះនៅឯខេត្តសៀមរាប ហើយបានដឹកសពប្អូនស្រីបាមកដល់ ភូមិរូង ឃុំទំនប់ ស្រុកបាធាយ ខេត្តកំពង់ចាមហើយ វេលាម៉ោង3.12 នាទីយប់ នេះបើយោងតាមគណនីហ្វេសប៊ុកឈ្មោះ Vinuth Sim ដែលជាគ្រូបង្វឹក។

ក្រោយពីបានទទួលដំណឹងនេះ បានធ្វើឲ្យក្រុមគ្រួសារមានការសោកស្តាយជាខ្លាំង និងមិត្តភក្ភិបង្ហោះសារទៅកាន់ប្អូនស្រីថា Rip វាលឿនពេកហើយសម្រាប់បងហេតុអ្វីប្អួនទៅចោលបងទៅចោលការសិក្សាទៅចោលពុកម៉ែទៅចោលយាយតាទៅចោលមីងពូចឹងលឿនណាស់ប្អួនស្រី និងអ្នកខ្លះទៀតសរសេរថា អាយុខ្លីម្លេះប្អូនស្រី៕