ភ្នំពេញ ៖ ជឿថាប្រិយមិត្តច្បាស់ជាស្គាល់រួចមកហើយថាលោក នី រតនា គឺជាតារាចម្រៀងប្រុសម្នាក់ដែលទទួលបានការគាំទ្រខ្លាំងពីសំណាក់ទស្សនិកជននៅក្នុងប្រទេសនិងក្រៅប្រទេស លោក នី រតនា គឺជាតារាចម្រៀងប្រុសជួរមុខម្នាក់របស់ផលិតកម្មរស្មីហង្សមាស ហើយបច្ចុប្បន្នលោកកំពុងតែទទួលបានភាពជោគជ័យខ្លាំងណាស់នៅក្នុងអាជីបជាតារាចម្រៀងរបស់ខ្លួន។
ដោយឡែកលោក នី រតនា មិនត្រឹមតែជោគជ័យនៅក្នុងវិស័យសិល្បះតែមួយមុខទេតែបើយើងក្រលេកទៅមើលជីវិតឯកជនរបស់លោកវិញក៏មានសុភមង្គលមិនណយដែរ ក្រោយពេលលោកចាប់ដៃគ្នាជាគូជីវិតជាមួយនិងភរិយារបស់លោកគឺអ្នកនាង ហេង សុវណ្ណភក្តិណា ដែលជាកូនស្រីរបស់អ្នកជំនួញរួចមកឃើញថាជីវិតរបស់លោកជាមួយនិងភរិយាគឺពិតជាមានសេចក្តីសុខយ៉ាងខ្លាំងពីមួយថ្ងៃទៅមួយថ្ងៃ ។
យ៉ាងណាមិញក្រោយពេលអ្នកទាំងពីរបានរៀបការជាមួយគ្នាមិនបានប៉ុន្មានផងស្រាប់តែអ្នកទាំងពីបានទទួលកាដូដ៏មានតម្លៃមួយនោះគឺចំណងដៃកូនស្រីម្នាក់ហើយកូនស្រីរបស់អ្នកទាំងពីរមានឈ្មោះថា នីវណ្ណ មែលឡានី ហៅ មែល ( MEL ) កើតថ្ងៃសុក្រ ទី០៦ ខែមីនា ឆ្នាំ២០២០ វេលាម៉ោង១០:៤២ នាទីព្រឹក ដោយគិតរហូតមកដល់ពេលនេះ មានអាយុ៦ខែកន្លះទៅហើយ។
ថ្វីត្បិតតែ អូន មែល មានអាយុទើបតែ ៦ ខែកន្លះក្តីប៉ុន្តែបើនិយាយពីរូបរាងរបស់អូន មែល វិញគឺជាមានសាច់ឡើងទ្រលុកទ្រលន់ឡើងគួរក្នាញ់តែម្តង បើនិយាយពីទម្រង់មុខវិញគឺឡើង ខ្យូត ដូចជាក្រមុំទៅហើយ ហើយអ្វីដែលកាន់តែភ្ញាក់ផ្អើលនោះគឺប៉ាៗរបស់អូន មែល ក៏លាន់មាត់បែបនេះផងដែរថា «កូនមែលពាក់បូម៉ាមីត្រូវហើយ 6 ខែកន្លះសោះ»៕