ប្រិយមិត្តច្បាស់ជាបានជ្រាប និងស្គាល់រួចមកហើយថា កញ្ញា លៀង ចាន់ឡា គឺជាអតីតបេក្ខភាពក្នុងកម្មវិធី X Factor Cambodia ដែលទទួលបានការចាប់អារម្មណ៍ខ្លាំងពីសំណាក់មហាជន មកដល់ពេលនេះ ចាន់ឡា បានកំពុងតែមានទីផ្សារខ្លាំងដោយឃើញថា ចាន់ឡា ត្រូវបានគេជ្រើសរើសនាងយកទៅថតស្ពត់ពាណិជ្ជកម្ម និងទៅច្រៀងនៅ តាមការប្រគុំតន្រ្តីជាដើម។
យ៉ាងណាមិញ តារាចម្រៀងវ័យក្មេង លៀង ចាន់ឡា បានធ្លាប់ស្រែកប្រកាសអង្វរទេវតា ឲ្យថែរក្សារបងប្រុសរបស់ខ្លួនដែលកំពុងឈឺធ្ងន់ តែជាអកុសល ពេលនេះ ម៉ោងនេះ បងប្រុសរបស់នាងបានលាចាកលោកនេះទៅហើយ នេះដោយសារតែជំងឺដ៏កាចសាហាវ រីកថ្លើម និងសួត។
បើយោងតាមគណនីហ្វេសប៊ុករបស់ កញ្ញា លៀង ចាន់ឡា បានបង្ហោះសារយ៉ាងកំសត់ថា “បងហាក្រោកមកដឹកប្អូនទៅប្រឡងទៀត ក្រោកមកនិយាយជាមួយប្អូនភ្លាម ក្រោកមកបងម៉េចបងទុកអោយគ្រប់គ្នាយំចឹង ក្រោកមកវិញមកបងប្អូនសុំអង្វរ”។ “មិនសប្បាយលេងទេ កុំបិទភ្នែកចឹង យាយជាមួយប្អូនម្តងទៀតមកក៏ប្អូនអស់ចិត្តដែរ”។
ក្នុងនោះដែរ គណនីហ្វេសប៊ុកមួយដែលគេស្គាល់ថា ជាបងជីដូនមួយរបស់បងប្រុស លៀង ចាន់ឡា ក៏បានសរសេររៀបរាប់ថា“ ពួកយើងតែងជឿជាក់ថា បងនៅមានសង្ឃឹមតស៊ូទៅមុខ តែវាដល់ពេលហើយដែលបងត្រូវសម្រាក បងគ្រាន់តែសម្រាកទេបងមិនមែនស្លាប់ឡើយ តែពួកយើងនិងមានឱកាសជួបគ្នាជាថ្មីណាបងប្រុស សូមបានទៅកាន់លោកខាងមុខណា៎បង Goodbye forever”៕