ភ្នំពេញ៖ កាលពីប៉ុន្មានថ្ងៃមុននេះ តារាសម្តែង ឌី សូនីតា បានទម្លាយនូវអាថ៌កំបាំង ដែលអ្នកនាងកំពុងតែពរពោះ កូននៅក្នុងផ្ទៃ ដែលជិតគ្រប់ខែទៅហើយ ជាមួយនឹងលោក ចន អេឡិច ហ្សូរ៉ា និងបានធ្វើការសុំទោសទៅកាន់ ទស្សនិកជនទូទាំងប្រទេស ដែលអ្នកនាង មិនបានប្រាប់តាំងពីដំបូង ដោយសារតែមូលហេតុ ជំងឺតំណរពូជរបស់នាង។
ជាក់ស្តែងនៅក្នុងគណនីហ្វេសប៊ុករបស់ ឌី សូនីតា បានបង្ហោះសារថា "នេះគឺជាវីដេអូជាផ្លូវការរបស់នាងខ្ញុំ ដែលបានសន្យាថានឹងបង្ហោះជូនបងប្អូនក្នុងថ្ងៃនេះនាងខ្ញុំសង្ឃឹមថា ពុកម៉ែបងប្អូនទាំងអស់មិនថាក្នុងស្រុករឺក្រៅស្រុកយោគយល់ និងអធ្យាស្រ័យដល់រូបនាងខ្ញុំ។ មូលហេតុនិងហេតុផលនៃរឿងនាងខ្ញុំបានបកស្រាយនៅក្នុងវីដេអូនេះអស់ហើយ សង្ឃឹមថាកាដុងនឹងនៅតែជាមនុស្សម្នាក់នៅក្នុងចិត្តបងប្អូន ជាមនុស្សដែលបងប្អូនតែងតែអោយតម្លៃនិងជាតារាម្នាក់ដែលធ្វើអោយបងប្អូនសើចសប្បាយរីករាយរហូតទៅ "។
ក្រោយពីបានបង្ហោះសារ និងទម្លាយអាថ៌កំបាំងបាន២ថ្ងៃ ពោលគឺថ្ងៃទី២២ ខែតុលា ឆ្នាំ២០២០នេះ តារាសម្តែងស្រីរូបនេះ ក៏បានបង្ហោះរូបភាព ខណៈពេលដែលនាងសម្រាលកូនប្រកបដោយសុវត្ថិ ទាំងកូន និងម្តាយ។ ជាមួយគ្នានោះផងដែរ លោក ចន អេឡិច ហ្សូរ៉ា បានបង្ហោះសារថា "ជំរាបសួរអ៊ុំពូមីង អូន Smile មានសុខភាពរឹងមាំ និងគួរអោយស្រលាញ់ណាស់មែនអត់? អគុណពាក្យជូនពរ, ឥលូវអូនស្មាយ និងម៉ាក់ៗ ឆ្លងផុតនិងមានសុខភាពល្អណាស់"។