កាលពីពេលថ្មីៗនេះ កូនប្រុសរបស់ពិធីការិនី អ្នកនាង គង់ សុជាតិ បានចាប់ដៃជាមួយនារីដ៏ស្រស់សោភាម្នាក់ រៀបចំពិធីភ្ជាប់ពាក្យ ភ្ជាប់និស្ស័យ និងជាជួបជុំសាច់ញាតិ ចាស់ទុំ ទាំងសងខាង។ នៅក្នុងទឹកមុខញញឹម ញញែម ពោលពេញទៅដោយសេចក្តីសុខ និងរីករាយក្រៃលែង ពេលបានឃើញកូនប្រុស ចាប់ដៃសាងគ្រួសារជាមួយនារីដ៏ស្រស់ស្អាត ពោរពេញទៅដោយ រូបឆោមលោមពណ៍ ស្រស់សោភានោះ ធ្វើឲ្យអ្នកនាងគង់ សុជាតិ ដែលជាម្តាយកូនប្រុស ពិតជាមានភាពកក់ក្តៅ និងមានសុភមង្គលខ្លាំងណាស់។
កូនប្រុសច្បងរបស់អ្នកនាង គង់ សុជាតិ មានឈ្មោះថា ម៉ៅ សាល់ភាពបុត្រ និង អនាគតភរិយារបស់លោក មានឈ្មោះថា ឆន ពុទ្ធាវីន អ្នកទាំងពីរ បានធ្វើឲ្យមហាជន លាន់មាត់គ្រប់គ្នាថា ពិតជាគូរដ៏សាកសមគ្នាណាស់ ។
ជាក់ស្តែងកាលពីម្សិលមិញនេះ អ្នកនាង បានបង្ហោះសារលើបណ្តាញសង្គមហ្វេសប៊ុក របស់អ្នកនាង យ៉ាងខ្លី ផ្តាំទៅកូនប្រុសជាទីស្រលាញ់ ក្នុងថ្ងៃភ្ជាប់ពាក្យ ភ្ជាប់និស្ស័យថា "ពិធីចូលចែចូវ របស់កូនប្រុសច្បង កូនប្រុសម៉ាក់ធំហើយ ជិតក្លាយជាមេគ្រួសារហើយកូនប្រុសម៉ាក់ ម៉ាក់សូមជូនពរកូន អោយមានសេចក្តីសុខ សុភមង្គល ពេញមួយឆាកជីវិតរបស់កូន ជាមេគ្រួសារដ៏ល្អ មានទំនួលខុសខ្ពស់ និងជាបង្គោលដ៏រឹងមាំក្នុងក្រុមគ្រួសារ"។
ប្រភពរូប៖ 25th Twenty-Fifth Media