ប្រិយមិត្តជាជាច្រើន ក្រោយពីបានកាន់ពានរង្វាន់ Cambodia's Got Talent រដូវកាលទី១ បានរយៈពេល ៦ ឆ្នាំមក យុវជនដែលមានដុងទេពកោសល្យសិល្បៈ ទោះបីជាពិការភ្នែកពីកំណើត យឿន ពិសី បានជួបម្ចាស់បេះដូងមានភក្តីភាព និងក្រាបផ្ទឹមចូលរោងជ័យហើយកាលពីថ្ងៃទី ១៧ ខែ មករា ឆ្នាំ ២០២១ ជាមួយភរិយាដ៏ស្រស់ស្អាត គឺជាហ្វេនរបស់ខ្លួន ក្រោយពីបានយល់ចិត្តយល់អស់រយៈពេលប្រហែលជា ០១ ឆ្នាំមកនោះ។
អតីតជាកុមារាម្ចាស់ Cambodia's Got Talent រដូវកាលទី១ កាលពីឆ្នាំ ២០១៥ ហើយកាលនោះ យឿន ពិសី មានវ័យ ១៥ ឆ្នាំ ដែលជាកូនទី២ ក្នុងចំណោមបងប្អូនប្រុសស្រី ៧ នាក់ នៃគ្រួសារមានស្រុកកំណើតនៅខេត្តកំពង់ចាម និងកូនក្រមុំមានឈ្មោះថា ហេង កក្កដា ដោយអ្នកទាំង ២ បានចូលរោងជ័យតាមប្រពៃណីខ្មែរកាលពីថ្ងៃអាទិត្យ ទី ១៧ ខែ មករា ឆ្នាំ ២០២១ នៅគេហដ្ឋានខាងស្រី នៅភូមិថ្មគោល ២ សង្កាត់ចោមចៅ ២ ខណ្ឌពោធិ៍សែនជ័យ រាជធានីភ្នំពេញ។
បន្ទាប់ពីរៀបការអស់រយៈពេលជាច្រើនខែមក ថ្មីៗនេះ ស្រាប់តែឃើញម្ចាស់គណនីហ្វេសប៊ុក យឿន ពិសី Yoeun Pisey បង្ហោះសារពីអារម្មណ៍សប្បាយចិត្តដែលបានក្លាយជាបា៉ប៉ាគេឆាប់ៗ នេះជាសាររៀបរាប់ខាងក្រោម “យេ យេ ស៊ុបប្រាយបងប្អូនហើយ ខ្ញុំមានហើយ ខ្ញុំជិតបានក្លាយជាឪពុករបស់កូនខ្ញុំហើយ” ក្រោយពីបង្ហោះសារបែបនេះភ្លាម ក៏មានមហាជនជាច្រើនអបអរសាទរចំពោះដំណកឈាមដំបូងរបស់ពួកគេ៕