ប្រធានអង្គការយូនីសេហ្វកាលពីថ្ងៃចន្ទបានស្នើឱ្យប្រទេស G7 បរិច្ចាគការផ្គត់ផ្គង់ដល់គម្រោងចែកចាយវ៉ាក់សាំងវ៉ាក់សាំងដែលហៅកាត់ថា Covax ដែលជាវិធានការណ៍បន្ទាន់ដើម្បីដោះស្រាយកង្វះខាតធ្ងន់ធ្ងរនៃចំនួនវ៉ាក់សាំងនៅទូទាំងពិភពលោក ដោយសារតែមានការរំខានចំពោះការនាំចេញនៃវ៉ាក់សាំងរបស់ប្រទេសឥណ្ឌា ។

ដោយប្រទេសឥណ្ឌាបានទប់ស្កាត់ការនាំចេញវ៉ាក់សាំង AstraZeneca (AZN.L) ដែលផលិតដោយវិទ្យាស្ថាន Serum របស់ខ្លួនដែលទុកប្រើប្រាស់នៅក្នុងប្រទេសរបស់ខ្លួនសិន ក្រោយពីនៅពេកំពុងតែប្រយុទ្ធប្រឆាំងនឹងការឆ្លងរាលដាលនៃរលកទីពីរនៃជំងឺកូវីដ។

ទីភ្នាក់ងារសហរដ្ឋអាមេរិកយូនីសេហ្វដែលទទួលបន្ទុកផ្គត់ផ្គង់វ៉ាក់សាំងការពារមេរោគឆ្លងតាមរយៈកម្មវិធី Covax បានប៉ាន់ប្រមាណថាកង្វះខាតនៃការផ្គត់ផ្គង់វ៉ាក់សាំងមានចំនួន ១៤០ លានដូសនៅចុងខែឧសភានិងប្រហែល ១៩០ លានដូសនៅចុងខែមិថុនា។

នាយកប្រតិបត្តិនៃអង្គការយូនីសេហ្វលោក Henrietta Fore បានមានប្រសាសន៍ថា“ ការចែករំលែកនូវកំរិតអតិបរិមាដែលអាចប្រើបានភ្លាមៗគឺជាវិធានការអប្បបរមាដែលចាំបាច់និងបន្ទាន់ហើយវាត្រូវការជាចាំបាច់នាពេលឥឡូវនេះក្នុងការទប់ស្កាត់នៃការឆ្លងរីករាលដាលនៃជម្ងឺកូវីដ១៩” ។

ខណះពេលមេដឹកនាំប្រទេស G7 ត្រៀមជួបប្រជុំគ្នានៅប្រទេសអង់គ្លេសនាខែក្រោយនេះ ប្រធានអង្គការសុខភាពពិភពលោកកាលពីសប្តាហ៍មុនបានបរិហារពី“ មហន្តរាយខាងសីលធម៌” នៃវិសមភាពក្នុងការទទួលបាននូវវ៉ាក់សាំងចំពោះប្រទេសអ្នកមាន និងប្រទេសអ្នកក្រ ដោយជំរុញឱ្យប្រទេសអ្នកមានបរិច្ចាគនូវវ៉ាក់សាំងនានា សម្រាប់ប្រើចំពៅះកុមារដែលងាយរងគ្រោះដោយសារជំងឺធ្ងន់ធ្ងរមួយនេះ។

កម្មវីធីវ៉ាក់សាំងដែលគ្រប់គ្រងរួមគ្នាដោយអង្គការសុខភាពពិភពលោកនិងសម្ព័ន្ធភាពវ៉ាក់សាំង GAVI ពឹងផ្អែកយ៉ាងខ្លាំងទៅលើការចាក់ថ្នាំបង្ការដោយជ្រើសរើសយកវ៉ាក់សាំង AstraZeneca ដែលជាចំនួនដ៏ច្រើននៃវ៉ាក់សាំងដែលបានគ្រោងទុកសម្រាប់ការចេញលក់ដំបូង ខណៈដែលខ្លួនកំពុងស្វែងរកការផ្គត់ផ្គង់វ៉ាក់សាំងចំនួន ២ ពាន់លានដូសនៅឆ្នាំនេះ។

អង្គការយូនីសេហ្វបាននិយាយថាការកំណត់ផលិតកម្មក្នុងការផ្គត់ផ្គង់នៃវ៉ាក់សាំងផ្សេងទៀតក្រៅប្រទេសឥណ្ឌាក៏បានបង្អាក់ការផ្គត់ផ្គង់នៅក្នុងកម្មវិធីវ៉ាក់សាំង Covax ដូចគ្នា ប៉ុន្តែការពន្យារពេលទាំងនោះត្រូវបានគេរំពឹងថានឹងត្រូវបានដោះស្រាយនៅចុងខែមិថុនា។

សម្រួលអត្ថបទដោយ៖ SOPHEA

ប្រភព៖ RT