ថៃ៖ ក្រោយពីអគ្គីភ័យមួយបានឆាបឆេះឡើង នៅរោងចក្រផលិតប្លាស្ទិកដ៏ធំនៅក្នុងប្រទេសថៃ ដែលមានទីតាំងស្ថិតនៅខេត្តសមុទ្រប្រាកាន ក្នុងនោះដែរដោយមានអ្នកជួយសង្គ្រោះម្នាក់ត្រូវបានសម្លាប់និងមនុស្សជាង ៦០ នាក់បានរងរបួសដោយការផ្ទុះដ៏ងំនៅឯរោងចក្រមួយនោះ បង្កជាផ្សែងខ្មៅខ្មួរខ្មាញ់ចូលទៅលើអាកាសកាលពីល្ងាចថ្ងៃច័ន្ទ។

ឧទ្ធម្ភាគចក្រមួយចំនួនដែលមកពីកងទាហានត្រូវបានកោះហៅឲ្យមកជួយពន្លត់អគ្គិភ័យក្នុងការបាញ់ពពុះផ្សែងពីលើអាកាស ដើម្បីធ្វើការពន្លត់អណ្ដាតភ្លើងទៅលើបរិវេណរោងចក្រដែលកំពុងឆេះ ប៉ុន្ដែនៅតែមិនអាចបញ្ឈប់ស្ថានការណ៍មួយនេះបាននៅឡើយ ដោយអណ្ដាតភ្លើងបន្ដឆាបឆេះយ៉ាងខ្លាំងពីកន្លែងមួយទៅកន្លែងមួយ។

យោងតាមរបាយការណ៍របស់លក្រុមអ្នកជួយសង្គ្រោះពន្លត់អគ្គីភ័យ បានឲ្យដឹងថា មានមន្ដ្រីពន្លត់អគ្គីភ័យម្នាក់បានបាត់បងជីវិត មនុស្ស១២នាក់រងបួសស្រាល និង៥០នាក់ផ្សេងទៀតរងរបួសធ្ងន់។

មន្ដ្រីវ័យក្មេងដែលជាអ្នកពន្លត់អគ្គីភ័យដែលបានស្លាប់នោះមានឈ្មោះថា Kornsit Raophan អាយុ១៩ឆ្នាំ រូបគេគឺជាមន្ដី្រពន្លត់អគ្គីភ័យដែលតែងតែស្ម័គ្រចិត្ដ ចូលរួមពន្លត់អគ្គីភ័យជាមួយបុគ្គលិកពន្លត់អគ្គីភ័យដទៃទៀត បានចូលទៅជួយសង្គ្រោះមនុស្សនៅក្នុងរោងចក្រដែលកំពុងតែឆាបឆេះនោះ ជាអកុសលរូបគេបានរត់ជំពប់ជើងដួល ហើយត្រូវបានភ្លើងឆាបឆេះ។

នាយកដ្ឋានបង្ការនិងកាត់បន្ថយគ្រោះមហន្តរាយបាននិយាយថានរកបានចាប់ផ្តើមដោយការផ្ទុះប្រហែលម៉ោង ៣ និង ២០ នាទីព្រឹក។

ផ្ទះដែលមានចម្ងាយ ៥ គីឡូម៉ែត្រត្រូវបានអាជ្ញាធរធ្វើការជម្លៀសចេញចំពេលមានការភ័យខ្លាចចំពោះការផ្ទុះនៃសារធាតុគីមីដែលត្រូវបានគេរាយការណ៍ចំនួន ៥០ តោនដែលផ្ទុកនៅក្នុងបរិវេណោងចក្រនោះ។

ក្រុមអ្នកពន្លត់អគ្គិភ័យនិងឧទ្ធម្ភាគចក្រត្រូវបានគេរាយការណ៍ថាកំពុងព្យាយាមការពារតំបន់ជាក់លាក់មួយដែលផ្ទុកសារធាតុគីមីចំនួន ២០,០០០ លីត្រ៕

សម្រួលអត្ថបទដោយ៖SOPHEA

ប្រភព៖ Bangkok Post