ថៃ៖ យោងតាមសារព័ត៌មានបរទេស បានឲ្យដឹងថា បុគ្គលិកស្រីម្នាក់ ដែលធ្វើការឱ្យក្រុមហ៊ុន Prapakorn Petroleum របស់ប្រទេសថៃ អស់រយៈពេលជាច្រើនឆ្នាំ ដោយមិនអាចទ្រាំទ្រនឹងការត្អូញត្អែរ និងសម្ពាធពីថៅកែបាន ក៏បានឈានទៅដល់ធ្វើការដុតបំផ្លាញឃ្លាំងស្តុកប្រេងរបស់ក្រុមហ៊ុន ដើម្បីបញ្ចប់កំហឹងរបស់នាងក្រោយពីរង់ការដាក់សម្ពាធច្រើនពេកពីថៅកែ។ ភ្លើងបានរលត់ទៅវិញយ៉ាងឆាប់រហ័ស ដោយ ប្រើប្រាស់រថយន្តពន្លត់អគ្គិភ័យចំនួន៤០គ្រឿងក្នុងរយៈពេល៤ម៉ោង ទើបអាចពន្លត់ភ្លើងបាន។
.jpg?1639666122)
យោងតាមរបាយការណ៍ "Daily Mail" របស់អង់គ្លេស ស្ត្រីជនជាតិថៃអាយុ 38 ឆ្នាំឈ្មោះ Ann Sriya បាននិយាយថានាងត្រូវបានបង្ខិតបង្ខំនិងដាក់សម្ពាធជាច្រើនពីសំណាក់ថៅកែអាយុ 65 ឆ្នាំរបស់នាងឈ្មោះ Pipat Ungprapakorn ដោយទ្រាំមិនបាននាងបានដុតឃ្លាំងរបស់ក្រុមហ៊ុនក្នុងខេត្ត Nakhon Pathom ដោយចេតនាកាលពីថ្ងៃទី ២៩ ខែមុន ដែលបណ្ដាលឲ្យខាតបង់ទឹកប្រាក់ជាង 6 លានដុលា្លជាង។
.jpg?1639666127)
យោងតាមវីដេអូពី CCTV បានឲ្យដឹងថាស្ដ្រី Ann Sriya កំពុងកាន់ក្រដាសមួយដុតជាមួយនឹងភ្លើងនៅក្នុងនោះ ហើយបន្ទាប់មកនាងបានដើរនៅពីក្រោយធុងសាំងមួយជួរ។ នាងបានបោះក្រដាសដែលឆាបឆេះចូលក្នុងធុងឥន្ធនៈ ហើយបណ្តាលឲ្យមានភ្លើងឆេះបំផ្លាញឃ្លាំងដែលស្តុកកំប៉ុងប្រេងរាប់ពាន់លីត្រ។
.jpg?1639666132)
រថយន្តពន្លត់អគ្គិភ័យជាង៤០គ្រឿងបានប្រញាប់ប្រញាល់ទៅកន្លែងកើតហេតុដើម្បីពន្លត់ភ្លើង។ រថយន្តពន្លត់អគ្គិភ័យបានចំណាយពេល៤ម៉ោងទើបអាចគ្រប់គ្រងភ្លើងបាន។ ក្រៅពីការគ្រប់គ្រងភ្លើង អ្នកពន្លត់អគ្គិភ័យក៏ត្រូវការពារកុំឲ្យប្រេងឆាបឆេះទៅប្រឡាយក្បែរនោះ និងបំពុលតំបន់លំនៅឋានផងដែរ៕
.JPG?1639666141)
សម្រួលអត្ថបទដោយ៖ qi an
ប្រភព៖orientaldaily
.jpg?1711517593)
