ល្បីខ្លាំងណាស់ការហូបមឹកឆៅទាំងរស់នៅថៃ ស្រាប់តែវេជ្ជបណ្ឌិតចេញមកព្រមានធ្ងន់តែម្ដងថាបើមិនចង់ស្លាប់គួរតែកុំ....មានវីដេអូ

កាលពីពេលថ្មីៗនេះ មានការផ្ទុះល្បីជាខ្លាំងនៅលើបណ្ដាញសង្គមអ៉ីនធើណេតនៅថៃ ជាពិសេសនៅលើបណ្ដាញសង្គម Tik Tok តែម្ដង នៅក្នុងការដែលប្រជាជនថៃជាច្រើននាំគ្នាបុកសម្រុកទៅទទួលទានអាហារ មឹកឆៅស្រស់ជាមួយនឹងទឹកជ្រលក់ ដែលកំពុងតែទទួលបានការពេញនិយមជាខ្លាំងនូវមុខម្ហូបថ្មីមួយប្រភេទនេះ។

យ៉ាងណាមិញក្រុមវេជ្ជបណ្ឌិត បានព្រមានធ្ងន់ៗថា ប្រសិនបើជានៅតែទទួលទានប្រភេទមឹកឆៅបែបនេះទៀត នោះពួកគេនឹងប្រឈមមុខនឹងការបរិភោគនូវពពួកព្រូនមូលៗ ដែលសំងំលាក់ខ្លួនជាក់ជាមិនខាន ដែលអាចធ្វើឲ្យពួកគេប្រឈមនឹងអាការះក្អួត ចង្អោរ ឈឺពោះ វិលមុខ រាគរួស និងគ្រុនញាក់ជាដើម។

ដោយឡែកក្រុមអ្នកស្រាវជ្រាវនៅមជ្ឈមណ្ឌលស្រាវជ្រាវជំងឺប៉ារ៉ាស៊ីត នៃសាកលវិទ្យាល័យបច្ចេកវិទ្យា Suranaree នៅថ្ងៃទី 11 ខែកុម្ភៈ បានព្រមានប្រជាជន កុំឲ្យធ្វើការញ៉ាំសាកល្បងខាំ អាហារសមុទ្រ sashimi មួយនេះ ដែលវាផ្ទុកទៅដោយមេរោគប៉ារា៉ស៊ីតជាច្រើន នៅក្នុងមឹករស់ ជាពិសេសវាសម្បូរទៅដោយសារធាតុគ្រោះថ្នាក់ជាច្រើនដែលមាននៅក្នុងសមុទ្រដូចជា ស័ង្កសី លោធាតុគឺមី សំណល់គីមីផ្សេងៗនៅក្នុងសមុទ្រ ដែលអាចឲ្យឈានទៅដល់ការពុលចំណីផងដែរ ។

បើទោះបីជាមានការព្រមានខ្លាំងៗពីវេជ្ជបណ្ឌិតក៏ដោយ ក៏ហាងជាច្រើនជាពិសេសនៅតាមតំបន់មាត់សមុទ្រនៅតែដំណើរការប្រក្រតី ដោយប្រជាជនជាច្រើនមិនអើពើជាមួយនឹងសេចក្ដីព្រមានអំពីគ្រោះថ្នាក់នៅក្នុងការបរិភោគមឹកឆៅតូចៗមួយនេះឡើយ។