វីរុស អូមេក្រុង បំបាំងកាយ BA.2 កំពុងវាយលុកឆ្លងខ្លាំងនៅថៃ រហូតដល់ ១៨% នៃវីរុសកូវីដថ្មី ត្រឹមតែ១សប្ដាហ៍…

ថៃ៖ នាយកដ្ឋានវិទ្យាសាស្ត្រវេជ្ជសាស្ត្របានរាយការណ៍ថា ការរីករាលដាលលឿនជាងមុននៃប្រភេទ BA.2 នៃវ៉ារ្យ៉ង់ Omicron របស់ Covid-19 មានចំនួនរហូតដល់ទៅ 18.5% នៃករណី Omicron ដែលបានធ្វើការពិនិត្យកាលពីសប្តាហ៍មុននេះ។

អគ្គនាយកលោក Supakit Sirilak បាននិយាយកាលពីថ្ងៃអង្គារថានាយកដ្ឋានបានពិនិត្យករណី Omicron ចំនួន 567 ពីថ្ងៃទី 5 ដល់ថ្ងៃទី 11 ខែកុម្ភៈ ហើយបានរកឃើញថា 18.5% គឺជាប្រភេទរង BA.2 និង BA.1 ដែលនៅសល់។

លោកវេជ្ជបណ្ឌិត Supakit បាននិយាយថា "មានសញ្ញាមួយចំនួនដែលថា BA.2 រីករាលដាលលឿនជាង BA.1 ពី ៤០ ទៅ ៥០ដង ដែលអាចធ្វើការលាក់ខ្លួន បង្កជាជំងឺធ្ងន់ធ្ងរ និងមានសមត្ថភាពគេចផុតពីភាពស៊ាំនៃវ៉ាក់សាំង ។

នាយកដ្ឋានវិទ្យាសាស្ត្រវេជ្ជសាស្ត្រក៏បានរកឃើញ BA.2 ក្នុង 19% នៃករណី Omicron នាំចូលចំនួន 42 ដែលត្រូវបានយកជាគំរូសម្រាប់ការពិនិត្យក្នុងរយៈពេលដូចគ្នានេះ។

យោងតាមអគ្គនាយកវេជ្ជសាស្ដ្រថៃបានបន្ថែមថា BA.2 ត្រូវបានគេរកឃើញនៅក្នុងប្រទេសចំនួន 57 ដែលក្នុងនោះរួមមាន ប្រទេសឥណ្ឌា ដាណឺម៉ាក ស៊ុយអែត បង់ក្លាដេស ប្រុយណេ ចិន ប៉ាគីស្ថាន នេប៉ាល់ ភីលីពីន និងប្រទេសថៃជាដើម ដែលកំពុងធ្វើការវាយលុកយ៉ាងខ្លាំងក្លានិងកំពុងជំនួសកន្លែង BA.1។