ណាតូ៖ បើយោងតាមការបង្ហោះនៅលើបណ្ដាញសង្គមអ៉ីនធើណេតផ្លូវការរបស់អង្គសម្ព័ន្ធមិត្តណាតូ បានបង្ហាញពីសម្ព័ន្ធមិត្ដរបស់ខ្លួនកំពុងធ្វើការស្វះស្វែង និងកំពុងជំរុញការគាំទ្ររបស់ពួកគេសម្រាប់ភាពជាដៃគូរបស់ជាមួយនឹងប្រទេសអ៊ុយក្រែន ។ ក្នុងនោះផងដែរអង្គការណាតូក៏បានធ្វើការរាយនាមបណ្ដាប្រទេសជាដៃគូររបស់ខ្លួនដែលកំពុងតែត្រៀមជួយដល់អ៊ុយក្រែន។
សម្ព័ន្ធមិត្តណាតូមានដូចជា ប្រទេស បែលហ្ស៊ិក កាណាដា សាធារណរដ្ឋឆេក អេស្តូនី បារាំង អាល្លឺម៉ង់ ឡាតវៀ ហូឡង់ ស្លូវ៉ាគី អង់គ្លេស និងសហរដ្ឋអាមេរិក បានបញ្ជូន ឬកំពុងអនុម័តជំនួយយោធា ដូចជាកាំភ្លើង គ្រាប់រំសេវ និងមីស៊ីល រួមទាំងឧបករណ៍ការពារអាកាស និងប្រឆាំងរថក្រោះ។
ក្នុងនោះផងដែរប្រទេសអ៊ីតាលី កំពុងរៀបចំជំនួយផ្នែកហិរញ្ញវត្ថុ អេស្ប៉ាញផ្គត់ផ្កង់ផ្នែកជំនួយមនុស្សធម៌ តួកគី កំពុងពង្រឹងទំនាក់ទំនងការពារជាតិជាមួយដៃគូអ៊ុយក្រែន។ អង្គការ NATO បានផ្តល់ការគាំទ្រអស់ជាច្រើនឆ្នាំមកហើយក្នុងការជួយអ៊ុយក្រែន នឹងកំពុងបន្ដជួយប្រជាជាតិមួយនេះ ធ្វើយ៉ាងណាដើម្បីឲ្យមានសមត្ថភាពអាចការពារខ្លួនបានដោយខ្លួនឯង ដោយនឹងបន្ដអំពាវនាវស្វែងរកដៃគូរបន្ថែមទៀតក្នុងការជួយអ៊ុយក្រែន។
ប្រែសម្រួល៖ qi an
ប្រភព៖ NATO
.jpg?1711517593)
