ជប៉ុន៖ រដ្ឋមន្ត្រីការបរទេសជប៉ុនលោក Hayashi និងសមភាគី G-7 បានរួមគ្នាធ្វើការដាក់ទណ្ឌកម្មទៅលើប្រទេសរុស្ស៊ី ដើម្បីការពារ និងការពារសេរីភាព និងអធិបតេយ្យភាពរបស់អ៊ុយក្រែន និងរដ្ឋទាំងអស់។ ក្នុងនោះជប៉ុនបានប្ដេជ្ញាចិត្ថយ៉ាងមុតមាំនៅក្នុងការប្រឆាំងនឹងការវាយប្រហារដែលបានគិតទុកជាមុន ដោយមិនញញើត និងអយុត្តិធម៌របស់រុស្ស៊ី។ 

សេចក្តីប្រកាសរបស់ប្រទេសជប៉ុននៅថ្ងៃនេះ ស្តីពីការដាក់ទណ្ឌកម្មផ្នែកហិរញ្ញវត្ថុដ៏ទូលំទូលាយ ដើម្បីផ្តាច់ប្រទេសរុស្ស៊ីចេញពីប្រព័ន្ធហិរញ្ញវត្ថុអន្តរជាតិ ក្នុងការបង្ហាញពីការរួបរួម និងការដោះស្រាយរបស់សហរដ្ឋអាមេរិក ជប៉ុន និងដៃគូ G-7 ផ្សេងទៀត ដើម្បីបញ្ឈប់ការឈ្លានពានរបស់រុស្ស៊ីនៅអ៊ុយក្រែន។ ចំណែកឯប្រទេសបេឡារុសវិញ ប្រទេសជប៉ុនក៏ប្រកាសថា ខ្លួននឹងធ្វើការដាក់ទណ្ឌកម្មចំពោះប្រទេសមួយនេះផងដែរ បន្ទាប់ពីប្រទេសមួយនេះព្យាយាមដើរតួនាទីជួយដល់រុស្ស៊ីក្នុងការឈ្លានពានអ៊ុយក្រែន។ 

សកម្មភាពទាំងនេះនឹងធ្វើការបដិសេធចំពោះការរឹតត្បិតតែងតែចំពោះធនាគាររុស្ស៊ី ក្នុងការប្រើប្រាស់នូវប្រព័ន្ធហិរញ្ញវត្ថុធនាគារ SWIFT សកល និងដាក់ទណ្ឌកម្មមេដឹកនាំសំខាន់ៗរបស់រុស្ស៊ី រួមទាំងប្រធានាធិបតីពូទីនផងដែរ។ ជំហានដ៏រឹងមាំ និងសម្រេចចិត្តរបស់នាយករដ្ឋមន្ត្រី Kishida និងរដ្ឋាភិបាលជប៉ុន រួមជាមួយនឹងសម្ព័ន្ធមិត្ត និងដៃគូផ្សេងទៀត នឹងបន្ដធ្វើរហូតដល់រុស្ស៊ីព្រមធ្វើការបញ្ចប់សង្គ្រាមនៅអ៊ុយក្រែន។

ប្រែសម្រួល៖ qi an

ប្រភព៖ state.gov.jp