ក្ដៅៗ !! ភុស្ដតាងថ្មីត្រូវបានរកឃើញ ក្រោយពីមានអ្នកសមាជិកម្នាក់និយាយថា ពេល Tangmo រៀបធ្លាក់ចូលទឹកនាងក៏បានចាប់ជើង នាង Gratick ផងដែរ

ក្ដៅៗ !! ភស្ដុតាងថ្មីត្រូវបានរកឃើញ ក្រោយពីមានអ្នកសមាជិកម្នាក់និយាយថា ពេល Tangmo រៀបធ្លាក់ចូលទឹកនាងក៏បានចាប់ជើង នាង Gratick ផងដែរ

តារាសម្ដែងថៃ Nida Patcharaveerapong អាយុ 37 ឆ្នាំ ដែលគេស្គាល់ជាទូទៅថា Tangmo បានបាត់ខ្លួនដំបូងកាលពីថ្ងៃព្រហស្បតិ៍ (24 កុម្ភៈ) បន្ទាប់ពីធ្លាក់ពីលើទូកល្បឿនលឿនកំលុងពេលកំពុងធ្វើដំណើរតាមដងទន្លេ Chao Phraya ក្នុងទីក្រុងបាងកក។ សាកសពរបស់នាងត្រូវបានរកឃើញកាលពីថ្ងៃសៅរ៍ នៅចម្ងាយប្រហែល ១ គីឡូម៉ែត្រពីកន្លែងដែលនាងបានធ្លាក់ចុះ។

មូលហេតុផ្លូវការនៃការស្លាប់របស់នាងគឺដោយការលង់ទឹក ដោយពេលនេះប៉ូលីសនៅតែបន្ដស៊ើបអង្កេតពីកាលៈទេសៈអាថ៌កំបាំងជុំវិញការស្លាប់របស់នាងបន្ថែមទៀត។ ករណីនៃរឿងមួយនេះទទួលបានការចាប់អារម្មណ៍យ៉ាងខ្លាំងនៅក្នុងប្រទេសថៃ ជាពិសេសចំពោះការលើកឡើងរបស់សាក្សីដែលមិនស៊ីសង្វាក់គ្នានិងផ្ទុយគ្នា។

នៅក្នុងកន្លែងកើតហេតុមានបុគ្គលប្រាំនាក់ផ្សេងទៀតដែលបាននៅលើទូកជាមួយ Tangmo រួមទាំងអ្នកគ្រប់គ្រងរបស់នាង Itsarin “Gatick” Jutasuksawat ។ តាមព័ត៌មានដែលសមត្ថកិច្ចបានប្រាប់ឱ្យដឹងថា អ្នកបើកបរកាណូតល្បឿនលឿនមិនមានប័ណ្ណបើកបរត្រឹមត្រូវនោះឡើយ ។

វីដេអូមួយដែលត្រូវបានគេជឿថាជាវីដេអូ Tangmo កំលុងពេលកំពុងមានភាពសប្បាយរីករាយនឹងពេលវេលារបស់នាងនៅលើទូកលឿនមុនពេលកើតហេតុនោះ ត្រូវបានបង្ហោះតាមអ៊ីនធឺណិតដោយប្រភពមិនស្គាល់មួយ។ Tangmo បានឡើងលើកាណូតល្បឿនលឿននៅម៉ោងប្រហែល 9 យប់នៅយប់នោះ ហើយត្រូវបានគេជឿថាបានធ្លាក់ចូលទៅក្នុងទន្លេនៅម៉ោង 10:40 យប់ នេះបើយោងតាមសេចក្តីរាយការណ៍ពីកាសែតបាងកកប៉ុស្តិ៍ដោយថា នាងមិនបានពាក់អាវពោងនោះឡើយ នៅពេលដែលនាងធ្លាក់ចូលក្នុងទឹកទន្លេ។

គ្រូពេទ្យជំនាញបានរកឃើញស្នាមរបួសយ៉ាងជ្រៅលើជើងតារាស្រី។ ទោះយ៉ាងណាក៏ដោយ ពួកគេមិនអាចកំណត់បានថាតើវាបណ្តាលមកពីការដែល Tangmo ធ្លាក់ពីកាណូតចូលទឹកទន្លេ ឬក៏ប៉ះអ្វីផ្សេងនៅឡើយ។ រហូតមកទល់ពេលនេះ គេនៅមិនទាន់អាចសន្និដ្ឋានបានថា តើតារាស្រីរូបនេះ ធ្លាក់ចូលទឹកទន្លេ ឬក៏មានរឿងអ្វីដែលនៅពាក់ព័ន្ធពីក្រោយ។

យោងតាមសក្ខីកម្មរបស់អ្នកដែលជិះទូកបាននិយាយថាពួកគេបាននាំគ្នាយកស្រាមកផឹកនៅលើទូក ហើយទោះបីជាពួកគេបានផឹកក៏ដោយ ក៏គ្មាននរណាម្នាក់ស្រវឹងនៅពេលជិះដែរ។ នៅពេលមួយយប់ Tangmo ត្រូវការប្រើបង្គន់ ប៉ុន្តែបង្គន់នៅលើទូកមិនដំណើរការទេ។ នាងដើរទៅខាងក្រោយទូកដើម្បីធ្វើការដោះទាល់ តែជាអកុសល នាងធ្លាក់ចូលទៅក្នុងទន្លេ។

សាក្សីម្នាក់បានអះអាងថា នាងបានឃើញ Tangmo ធ្លាក់ចូលទៅក្នុងទន្លេ ហើយភ្លាមនោះអ្នកនៅលើទូកក៏បានលើកបន្លឺស៉ឺរ៉ែន ហៅជំនួយ ទោះយ៉ាងណាក៏ដោយ គ្មាននរណាម្នាក់បានឮការសុំជំនួយរបស់ពួកគេនោះឡើយ ដោយសារតែសម្លេងតន្ត្រីនៅលើទូកមានសំឡេងខ្លាំងពេក។

អ្នកបើកទូកតាមសេចក្តីរាយការណ៍បាននិយាយថា Tangmo "ប្រហែលជាធ្លាក់ក្នុងទឹកទន្លេ ដោយសារផ្ទៃទូកសើម រអិល ម្យ៉ាងគេឃើញថាតារាស្រីរូបនោះពាក់ស្បែកជើងកែងខ្ពស់ថែមទៀត " ។ ពេលនេះមានសមាជិកម្នាក់ទៀតបានអះអាងថាគេបានឃើញ Tangmo កំពុងមើលទូរស័ព្ទដៃរបស់នាង ។ នៅពេលដែលនាងធ្លាក់ចូលទៅក្នុងទន្លេ ហើយបានព្យាយាមចាប់ជើងអ្នកគ្រប់គ្រងរបស់នាង នៅពេលដែលនាងបាត់បង់តុល្យភាពក្នុងការចាប់តោង រហូតដល់ធ្លាក់ចូលក្នុងទឹក ។

ជាមួយគ្នានេះដែរ អ្នកគ្រប់គ្រងរបស់ Tangmo គឺនាង Gatick ត្រូវបានគេនិយាយថា នឹងបានអះអាងថា រូបគេមិនបាន ពាក់អាវពោងនោះឡើយ ដោយសារតែនាងចង់ថតរូបខ្លួនឯងឲ្យបានស្រស់ស្អាត។ Gatick ក៏បានអះអាងប្រាប់ម្ដាយ Tangmo ថារូបគេក៏មិនចេះហែលទឹកនោះដែរ។ ប៉ុន្តែម្តាយរបស់ Tangmo ចាប់តាំងពីពេលនោះមកបានបដិសេធការអះអាងរបស់ Gatick នឹងបានថានាងគឺជាមនុស្សកុហក ដែលថានាងមិនចេះហែលទឹក តាមពិតនាងជាអ្នកហែលទឹកដ៏ជំនាញម្នាក់ និងថាជាមនុស្សដែលមិនស្មោះត្រង់ គួរឱ្យស្អប់ ។

យោងតាមរបាយការណ៍របស់ប្រព័ន្ធផ្សព្វផ្សាយ ម្តាយរបស់ Tangmo ជឿថាការនិយាយកុហករបស់ពួកនាង Gatick គឺពាក់ព័ន្ធនឹងការស្លាប់របស់កូនស្រីរបស់គាត់។ ម្តាយរបស់ Tangmo បានប្រាប់ប្រព័ន្ធផ្សព្វផ្សាយថាគាត់មិនជឿថា ពួកអ្នកដែលដើរលេងជាមួយកូនខ្លួននៅលើទូក "មិនអាចធ្វើការទាក់ទងបានរាប់ម៉ោង" បន្ទាប់ពី Tangmo បានធ្លាក់ចូលទៅក្នុងទន្លេ ។