វីដេអូស្ដែងៗ!! នៃការធ្លាក់យន្ដហោះ Mu5735 របស់ក្រុមហ៊ុន China Eastern Airlines បានធ្លាក់ចុះពីកម្ពស់ 20,000 ហ្វីត ក្នុងរយៈពេលត្រឹមតែ 2 នាទី តែប៉ុណ្ណោះ

ជើងហោះហើរ Mu5735 ដែលជាក្រុមហ៊ុនអាកាសចរណ៍ China Eastern Airlines បានធ្លាក់ចុះពីកម្ពស់ 20,000 ហ្វីត ក្នុងរយៈពេលត្រឹមតែ 2 នាទី ។ នេះបើយោងតាមប្រព័ន្ធផ្សព្វផ្សាយសង្គមចែករំលែកឃ្លីបពី CCTV ដែលបានបង្ហាញពីពេលវេលាចុងក្រោយដែលយន្តហោះធ្លាក់បានធ្លាក់ពីលើមេឃ។

យន្តហោះ Boeing 737 របស់ក្រុមហ៊ុនអាកាសចរណ៍ China Eastern Airlines ជើងហោះហើរ Mu5735 បានធ្លាក់ចុះមកក្រោមជាមួយអ្នកដំណើរ និងនាវិកចំនួន 132 នាក់ នៅតំបន់ភ្នំក្បែរទីក្រុង Wuzhou ក្នុងខេត្ត Guangxi ដែលហោះពីខេត្ត Yunnan ឆ្ពោះទៅទីក្រុង Guangzhou ភាគខាងត្បូងប្រទេសចិន។ នៅរសៀលថ្ងៃទី២១ ខែមីនា សូម្បីតែរហូតមកដល់ពេលនេះ ជោគវាសនារបស់អ្នកដំណើរទាំង១២៣នាក់ និងនាវិក៩នាក់មិនទាន់ត្រូវបានគេបញ្ជាក់ជាផ្លូវការក៏ដោយ ប៉ុន្តែគេគ្មានក្តីសង្ឃឹមនៅក្នុងការស្វែងរកអ្នកដែលនៅរស់នោះឡើយ។

អាជ្ញាធរក្នុងតំបន់បានចល័ត និងជួយសង្គ្រោះមនុស្សចំនួន 1,000 នាក់ ដើម្បីស្វែងរកអ្នកនៅរស់រានមានជីវិត។ ប៉ុន្តែដោយស្ថានភាពនៅកន្លែងកើតហេតុពិបាកចូលទៅដល់ ហើយសញ្ញានៃការទំនាក់ទំនងមានភាពរអាក់រអួល ដូច្នេះហើយជាឧបសគ្គក្នុងការជួយសង្គ្រោះ ខណៈប្រព័ន្ធផ្សព្វផ្សាយផ្លូវការរបស់ចិនបានបញ្ជាក់ថាគ្មានជនបរទេសនៅលើជើងហោះហើរនេះទេ។

ជាមួយគ្នានេះដែរ នៅលើប្រព័ន្ធផ្សព្វផ្សាយសង្គម វីដេអូឃ្លីបមួយដែលត្រូវបានគេអះអាងថា ចេញពីកាមេរ៉ាឃ្លាំមើលរបស់ក្រុមហ៊ុនរុករករ៉ែក្នុងតំបន់នោះ ត្រូវបានបញ្ចេញបង្ហាញយន្តហោះមួយគ្រឿងកំពុងធ្វើដំណើរចុះពីលើភ្នំក្នុងល្បឿនលឿន។ អ្នកភូមិម្នាក់បានប្រាប់គេហទំព័រព័ត៌មានក្នុងស្រុកថា យន្តហោះដែលពាក់ព័ន្ធនឹងការធ្លាក់នោះ "បានធ្លាក់ដាច់ពីគ្នា" ហើយគាត់បានឃើញតំបន់ព្រៃឈើនៅក្បែរនោះត្រូវបានបំផ្លាញដោយភ្លើងដែលបង្កឡើងនៅពេលយន្តហោះធ្លាក់លើភ្នំ។

ការភ័យខ្លាចចំពោះជោគវាសនារបស់យន្តហោះនេះបានរីករាលដាលនៅរសៀលថ្ងៃច័ន្ទនេះ ខណៈដែលប្រព័ន្ធផ្សព្វផ្សាយក្នុងស្រុកបានរាយការណ៍ថាជើងហោះហើរ China Eastern ជើងហោះហើរ MU5735 មិនបានមកដល់តាមការគ្រោងទុកនៅក្នុងទីក្រុង Guangzhou បន្ទាប់ពីហោះចេញពីទីក្រុង Kunming ភ្លាមៗបន្ទាប់ពីម៉ោង 1:00 រសៀល (0500 GMT)។

មន្ត្រីក្នុងតំបន់ម្នាក់បានប្រាប់ AFP ថា "ទីតាំងពិតប្រាកដនៃឧបទ្ទវហេតុនេះគឺសង្កាត់ Langnan ក្នុងស្រុក Teng" ។ កម្មវិធីតាមដានជើងហោះហើរ FlightRadar24 បានបង្ហាញទិន្នន័យបន្ថែមទៀតសម្រាប់ជើងហោះហើរ MU5735 បន្ទាប់ពីម៉ោង 2:22 នាទីរសៀល ម៉ោងក្នុងស្រុក នៅពេលដែលវាបានទៅដល់ Wuzhou វាបានបង្ហាញថាយន្តហោះបានធ្លាក់ចុះយ៉ាងខ្លាំងពីកម្ពស់ 29,100 ហ្វីតទៅ 3,225 ហ្វីតក្នុងរយៈពេល 2 នាទី មុនពេលព័ត៌មានហោះហើរបានឈប់។