កំពុលស្ដេចកំប្លែង និងជាអ្នកដឹកនាំហុងកុង លោក Stephen Chow ហៅទិនហ្វី  អាយុ 59 ឆ្នាំថ្មីៗនេះបានធ្វើការចែករំលែកគំនិតរបស់គាត់អំពីការធ្លាក់យន្តហោះ China Eastern Airlines ដែលបានកើតឡើងនៅទីក្រុង Guangxi កាលពីថ្ងៃចន្ទ (22 មីនា ឆ្នាំ 2022 នាពេលកន្លងមកនេះ ។

លោក ទិនហ្វី  បាននិយាយប្រាប់តាមរយៈអ្នកគ្រប់គ្រងរបស់គាត់ដែលជាផលិតករភាពយន្លោកត Chris Chen ថាគាត់មានអារម្មណ៍សោកសៅយ៉ាងខ្លាំងចំពោះឧបទ្ទវហេតុនេះ នឹងបានធ្វើការថ្លែងអំណរគុណដល់ក្រុមស្វែងរក និងក្រុមជួយសង្គ្រោះចំពោះការងាររបស់ពួកគេទោះបីជាមានភាពលំបាកក៏ដោយ ។ ជាងនេះលោកទិនហ្វីបាននិយាយថា  "ខ្ញុំពិតជាសង្ឃឹមថានឹងមានអព្ភូតហេតុមួយហើយអ្នកនៅរស់រានមានជីវិតនឹងត្រូវបានរកឃើញ" ។

នៅក្នុងសង្គម  Weibo លោកទិនហ្វី ក៏បានបង្ហោះធ្វើការរិះគន់ចំពោះអ្នកបើកយន្តហោះហុងកុងដែលចូលនិវត្តន៍ និងជាអ្នកស៊ើបអង្កេតគ្រោះថ្នាក់យន្តហោះមួយនោះ ដែលមានឈ្មោះថា David Newberry សម្រាប់ការនិយាយរបស់បុរសនេះថា "ប្រជាជនចិនមានការភ័យខ្លាចតិចតួចអំពីសុវត្ថិភាពអាកាសចរណ៍" នៅក្នុងរបាយការណ៍របស់ទស្សនាវដ្តី Time Magazine" ។ 

លោកទិនហ្វី ក៏បាននិយាយថា ការនិយាយរបស់អ្នកបើកយន្ដហោះរូបនោះ មិនគួរឱ្យគោរពទាល់តែសោះ លោកក៏បានចោទសំនួរទៅកាន់ លោក David Newberry ដោយបាននិយាយថា  "តើអ្នកនឹងមិនភ័យ និងខូចចិត្តមែនឬទេ ប្រសិនបើយន្តហោះធ្លាក់បានកើតឡើងនៅកន្លែងដែលអ្នករស់នៅ? ខ្ញុំ​សង្ឃឹម​ថា អ្នក​រាល់​គ្នា​មិន​ថា​សញ្ជាតិ​ណា​ក៏​ដោយ​អាច​យល់​ចិត្ត​គ្នា​ទៅ​វិញ​ទៅ​មក​កាន់​តែ​ច្រើនពីបញ្ហាដ៏សោកសៅមួយនេះ »។

គួរបញ្ជាក់ថា យន្តហោះរបស់ក្រុមហ៊ុន China Eastern Airlines  ដែលធ្វើដំណើរទៅកាន់ទីក្រុង Guangzhou ពីទីក្រុង Kunming បានដឹកមនុស្សចំនួន 132 នាក់នៅលើយន្តហោះ នឹងបានធ្លាក់ទៅបុកភ្នំមួយ កាល​ពី​ថ្ងៃ​ពុធ ។ ជាងនេះ ​ប្រអប់​ខ្មៅ​មួយ​ក្នុង​ចំណោម​ប្រអប់​ខ្មៅ​ពីរ​ត្រូវ​បាន​រក​ឃើញ​វិញ ទោះ​ជា​មូលហេតុ​នៃ​ការ​ធ្លាក់​នេះ​មិន​ទាន់​ត្រូវ​បាន​គេ​កំណត់​នៅ​ឡើយ​ទេ ប៉ុន្ដែ គ្មានអ្នករនរណាម្នាក់ដែលត្រូវបានគេរកឃើញថាមានជីវិតនោះឡើយ។