នៅក្នុងសេចក្តីថ្លែងការណ៍មួយ ក្រុមប្រឹក្សា Academy Oscarsបាននិយាយថា ពានរង្វាន់អូស្ការលើកទី 94 ត្រូវបានគ្របដណ្ដប់ដោយអាកប្បកិរិយាដែលមិនអាចទទួលយកបាន ដែលពោរពេញទៅដោយភាព អ សី ល ធ ម៌ ដែលបង្កឡើងដោយតារាសម្ដែងលោក Will Smith នៅលើឆាកនៃការទទួលពានរង្វាន់តារាឯកប្រចាំឆ្នាំ។ 

Smith បានធ្វើការសុំទោសនិងទទួលស្គាល់ចំពោះទង្វើរបស់គាត់ ដែលបានធ្វើទៅលើពិធិករកំប្លែងលោក Chris Rock ។ នឹងបានធ្វើការប្រកាសថាលោកនឹងលាលែងពី កម្មវិធី នៃពានរង្វាន់អូស្ការផងដែរ។ Smith  បានធ្វើការទះមុខ​​លោក Rock ខណៈដែលបានធ្វើការ​និយាយ​លេង​សើច​អំពី​ការ​កោរ​សក់​របស់​ប្រពន្ធ​ខ្លួន ។

នៅក្នុងនោះដែរ ក្រោយពីហេតុការណ៍នៃការទះ មុ ខ ទៅលើលោក Rock រួច តិចជាងមួយម៉ោងក្រោយមក Smith  បានទទួលពានរង្វាន់តារាសម្តែងល្អបំផុតសម្រាប់តួនាទីរបស់គាត់នៅក្នុងរឿង "King Richard" ដែលគាត់ដើរតួជាឪពុករបស់តារាវាយកូនបាល់ Venus និង Serena Williams ។

ក្រុមប្រឹក្សា Academy of Motion Picture Arts and Science ដែលរៀបចំពិធីប្រគល់រង្វាន់ បានធ្វើការប្រជុំនឹងធ្វើការពិភាក្សាគ្នាកាលពីថ្ងៃសុក្រម្សិលមិញ ដើម្បីពិភាក្សាអំពីវិធានការវិន័យនៃក្រមសីលធម៌របស់ខ្លួន ដោយបានធ្វើការសម្រេចចិត្ដមិនឱ្យលោក Smith ចូលរួមទទួលពានរង្វាន់អូស្កាក្នុងរយះពេល ១០ឆ្នាំ ។