អង្គការ NASA និយាយថា មានរឿងចម្លែកមួយកំពុងកើតឡើងជាមួយចក្រវាឡរបស់យើង ក្នុងនោះការ សង្កេតក៏បានបង្ហាញពីកាឡាក់ស៊ីផ្សេងទៀតកំពុងផ្លាស់ទីឆ្ងាយពីមីលគីវ៉េរបស់យើងលឿនជាងមុន។ អ្នកវិទ្យាសាស្ត្របាននឹងកំពុងសិក្សាទិន្នន័យថ្មីពីកែវយឺតអវកាស Hubble ចំពោះបម្រែបម្រួលមិនប្រក្រតីមួយនោះ។

អ្នកវិទ្យាសាស្ដ្រដែលជាអ្នកឈ្នះរង្វាន់ណូបែលលោក Adam Riess នៃវិទ្យាស្ថានវិទ្យាសាស្ត្រកែវយឺតអវកាស (STScI) និងសាកលវិទ្យាល័យ Johns Hopkins នៅទីក្រុង Baltimore រដ្ឋ Maryland ​និយាយ​ថា អត្រា​គម្លាតនៃការផ្លាស់ទីកំពុងតែធ្វើដំណើរ​លឿន​ជាង​បើ​ធៀប​នឹង​ការ​រំពឹង​ទុកពីស្តង់ដារនៃតេឡេស្កុប។ 

ប៉ុន្តែ​អ្នក​វិទ្យាសាស្ត្រ​មិន​ទាន់​អាច​សន្និដ្ឋាន​ថាវាបណ្ដាលមកពីមូល​ហេតុអ្វី​នោះ​ទេ ដូច្នេះ​អ្វី​ដែល​ពួកគេ​កំពុង​និយាយ​គឺ​ថា​មាន​អ្វី​ចម្លែក​កំពុង​តែ​កើត​ឡើងនៅក្នងចក្រវាលយើងនេះ។

ក្រុមមន្ត្រីវិទ្យាសាស្ដ្រទាំងនោះ បាននិយាយនៅក្នុងសេចក្តីប្រកាសព័ត៌មានមួយថា "មូលហេតុនៃភាពខុសគ្នានេះនៅតែជាអាថ៌កំបាំង។ ប៉ុន្តែទិន្នន័យរបស់កែវយឺតអាវកាស Hubble ដែលគ្របដណ្ដប់លើវត្ថុលោហធាតុជាច្រើនប្រភេទ ដែលដើរតួជាសញ្ញាសម្គាល់ពីចម្ងាយ កំពុងតែនាំគ្នាធ្វើការគាំទ្រគំនិតដែលថាមានអ្វីចម្លែកកំពុងកើតឡើង ប្រហែលជាពាក់ព័ន្ធនឹងរូបវិទ្យាថ្មី"។

សូមទស្សនាវីដេអូ៖