ប្រិយមិត្តជាច្រើនប្រាកដជាបានស្គាល់ ពីតារាចម្រៀងស្រីប្រចាំផលិតកម្ម Galaxy Navatra ហើយក៏ជាអតីតបេក្ខភាពកម្មវិធីប្រឡងចម្រៀងលំដាប់ពិភពលោក The Voice Cambodia រដូវកាលទី ២ ដែលមានឈ្មោះបោះសំលេង យ៉ាងខ្លាំងនៅក្នុងវិស័យចម្រៀងនៅកម្ពុជា។
បើគិតមកដល់ពេលនេះ តារាចម្រៀងវ័យក្មេង ដែលអាចច្រើនបានគ្រប់ទម្រង់ កញ្ញា តន់ ច័ន្ទសីម៉ា បានក្លាយជាតារាចម្រៀងនៅក្នុងដួងចិត្តមិត្តៗយុវវ័យ តាមរយៈបទចម្រៀងជាច្រើន មិនថាបទចម្រៀងបែបមនោសញ្ចេតនា ឬ ជាបទ បែបញាក់កន្រ្តាក់អារម្មណ៍នោះទេ។
បើងាកមកមើលពីការសិក្សារបស់ តន់ ច័ន្ទសីម៉ា វិញ ក៏មិនអន់នោះដែរ ដោយកាលពីពេលថ្មីៗនេះ តារាចម្រៀងស្រី រូបនេះ ទើបតែបញ្ចប់ការសិក្សាថ្នាក់ បរិញ្ញាបត្រនូវជំនាញសេដ្ឋកិច្ច ពីសាកលវិទ្យាល័យភូមិន្ទនីតិសាស្រ្ត និង វិទ្យាសាស្រ្ត សេដ្ឋកិច្ច។
នៅក្នុងឈុតទទួលសញ្ញាបត្រនោះផងដែរ កញ្ញា តន់ ច័ន្ទសីម៉ា បានប្រាប់ឲ្យដឹងថា "ពុកម៉ែបានធ្លាប់ប្រាប់ថា ម៉ែគ្មានអ្វីចែកឱ្យទេ មានតែចំណេះវិជ្ជាកូនខិតខំណា កូនសូមអរគុណលោកពុកអ្នកម៉ែ ជួបគ្នាថ្ងៃ 1 ខែ វិច្ឆិកា ឆ្នាំ 2022 OCIC"។ គ្រាន់តែបានឃើញពីការបង្ហោះចែកចាយរូបភាពនៅលើបណ្តាញសង្គមហ្វេសប៊ុកភ្លាមនោះ ក៏មានបងប្អូនមហាជនជាច្រើនបានចូលមកខមិនថា "អ្នកតាកែវពូកែម្លេះ, ស្អាតណាស់ ស្អាតទាំងសម្រស់ ស្អាតទាំងចំណេះ ស្អាតទាំងចរិយា នេះពិតជាស្អាតមែនក្មួយស្រី, ជាតារាពិតជារវល់ ប៉ុន្តែនៅមិនបោះបង់ការសិក្សា ពិតជារំភើបនិងអបអរចំពោះជោគជ័យដែលសីម៉ាមាន ស្អាត ឆ្លាត ពូកែ នឹងក្លាយជាគំរូល្អៗសំរាប់ហ្វេនៗ៕
