តារាចម្រៀង វ៉ាន់នីឡា មិនខ្វល់ពីការបាត់បង់ ប្រជាប្រិយភាព ចេញមុខមកប្រកាសរកយុត្តិធម៍ ដល់គ្រួសារ ទារក ដែលកំពុងតែសង្គ្រោះបន្ទាន់

ដូចដែលប្រិយមិត្តពុកម៉ែបងប្អូនបានដឹងហើយថា នៅកាលពីវេលាម៉ោង ២ រំលងអាធ្រាតឈានចូលថ្ងៃទី 5 ខែធ្នូ ឆ្នាំ 2022 មានហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់ចិត្តមួយបានកើតឡើង រវាង រថយន្តស៊េរីទំនើបមួយគ្រឿងម៉ាកLexus NX200T ពាក់ស្លាកលេខ ភ្នំពេញ 2BB 9989 បើកបរដោយយុវជនម្នាក់ នៅក្នុងស្ថានភាពស្រវឹង បណ្តាលឲ្យទៅបុកជាមួយម៉ូតូរបស់ជនរងគ្រោះម៉ាក SCopy ពាក់ស្លាកលេខ កណ្តាល 1B 9978 បណ្តាលឲ្យម្ចាស់ម៉ូតូដែលមាន ប្តីប្រពន្ធនិងរួមទាំង ទារកម្នាក់បានផ្លោងខ្ទាតចេញពីម៉ូតូ មានចម្ងាយប្រហែលជាង ១០០ ម៉ែត្រ ហេតុការណ៍មួយនេះបានកើតឡើងនៅ នៅលើស្ពានជ្រោយចង្វារ។ យ៉ាងណាមិញពេលនេះជនរងគ្រោះទាំងបីនាក់កំពុងតែធ្វើការ សង្គ្រោះបន្ទាន់នៅមន្ទីរពេទ្យផងដែរ ។

ជាមួយគ្នានេះដែរបន្ទាប់ពីឃើញ គ្រួសារជងរងគ្រោះមានជីវភាពខ្វះខាត ហើយអាណិតទៅដល់ ទារកដែលកំពុងតែសង្គ្រោះបន្ទាន់ផងដែរនោះ តារាចម្រៀង វ៉ាន់ នីឡា បានចេញមុខមកប្រកាសទាមទាររកយុត្តិធម៍ដល់គ្រួសាររងគ្រោះទាំងបីនាក់ ដោយមិនខ្វល់ពី ការបាត់បង់ប្រជាប្រិយភាពនោះទេ ។

ទន្ទឹមនិងនេះដែរ នេះជាសំណេរដែលតារាចម្រៀងស្រីរូបនេះបានបង្ហោះនៅលើបណ្តាញសង្គមនៅកាលពីពេលថ្មីៗនេះ ដោយកញ្ញា បានលើកឡើងបែបនេះថា ៖

មានមិត្តភក្តប្រាប់មិនអោយខ្ញុំរវល់ទេ ខ្លាចបាត់ប្រជាប្រិយភាព ខ្ញុំអត់ខ្វល់ទេ ខ្ញុំមិនអាចធ្មេចភ្នែកឃើញរឿងដ៏សោកសៅនឹងអយុត្តិធម៌បែបនេះបានទេ . សូមបងប្អូនទាំងអស់គ្នាជួយ share ចំពោះករណីមួយនេះផង ។

-ទី ១ ស្រវឹងហើយបើកបរ គឺខុសច្បាប់មួយតង់ហើយ

-ទី២ បើកលើសល្បឿន

-ទី៣ បើករត់

-ទី៤ កោងកាងដាក់អ្នកកាស្សែតចង់វៃគេ

-ទី៥ សងជំងឺចិត្ត 2500$ ដើម្បីបញ្ចប់រឿង

សួរវិញថា ចុះជីវិតក្មេង ? សូមប៉ូលីសជួយបកស្រាយ សូមសំណូមពរដល់ ក្រុមមេធាវីស្ម័គ្រចិត្តសម្តេចតេជោសែន ក្រសួងយុត្តិធម៌ Ministry of Justice មេត្តាជួយអន្តរាគមន៍នឹងរកយុត្តិធម៌ជូនជនរងគ្រោះ ជាពិសេសទារកដែលមិនដឹងថាអាចនឹងមានជីវិតរឺក៏អត់ ។

ខ្ញុំមិនដឹងថាចំណាត់ការប៉ូលីសយ៉ាងណាទេ គ្រាន់តែឆ្ងល់ថាពេលកើតហេតុភ្លាមៗ ម្តិចបានជនបង្ករហេុតជិះទៅផ្ទះបាន? បើកុំតែបានអ្នកសាពត៌មានទៅតាមដល់ផ្ទះ ម្លេះជននោះកំពុងដេកយ៉ាងមានក្តីសុខ ៕

ក្រោយឃើញតារាចម្រៀង វ៉ាន់នីឡា មាន មនសិការ បែបនេះហើយឃើញថា អ្នកមានមហាជន ក៏ដូចជាអ្នកគាំទ្រជាច្រើនបានចេញមក សម្តែងការកោត សរសើរ ទៅកាន់តារាស្រីរូបនេះគ្រប់គ្នាទៀតផង ដោយមានបងប្អូនយើងខ្លះ បានពោលថា ៖

-តាម មើលរូបភាពជាក់ស្ដែង ជនធម្មតា ប៉ូលិស ចាប់ភ្លាមៗតែម្ដង តែនេះ ប៉ូលិសដូចជាមិនសូវៗ ទេបងដូចខ្លាចៗ

-រឿងនេះគឺពឹងលើពួកយើងទាំងអស់គ្នាជួយអន្តរាគម៍ ខ្ញុំមិនជឿថាថ្នាក់លើលោកមើលនឹងភ្នែកទេ ខ្ញុំជឿថាយុត្តិធម៌នឹងមាន សូមជួយ share ហើយតាមរឿងនេះអោយជាប់

-មានតែយើងទាំងអស់គ្នាដែលជាកោសិកាសង្គមនេះហើយត្រូវចេះជួយគ្នា ល្អណាស់ប្អូនស្រីបងសូមសរសើនូវទឹកចិត្តប្អូន

-អរគុណបង បើមានអ្នកជួយដូចបងច្រើន គ្រួសារគាត់អាចនិងទទួលបានយុត្តិធម៍

-ល្អណាស់បងស្រី! ខ្ញុំសុំសរសើរទឹកចិត្តបងដែលហ៊ាននិយាយរឿងនេះ

-ក្មេងត្រឹមតែកើតមិនទាន់ស្គាល់ពន្លឺថ្ងៃច្បាស់ផង មកទទួលរងភាពអយុត្តិធម៏បាត់ទៅហើយ៕