ភ្នំពេញ ៖ បុរសម្នាក់បានដាច់ចិត្តសម្លាប់នារីដែលជាសង្សាររបស់ខ្លួនដោយយកអាវខ្ទប់ច្រមុះបណ្តាលឱ្យស្លាប់នៅលើឥដ្ឋការ៉ូ រួចបានយកខ្សែមកចងករសម្លាប់ខ្លួនឯងតាមក្រោយនៅនិងធ្នឹមមាត់បន្ទប់ទឹកស្លាប់ទាំង២នាក់ទេីបធុំខ្លិនស្អុយផ្អើលអស់អ្នកភូមិ កាលពីវេលាម៉ោង០៩ និង០០នាទីយប់ថ្ងៃទី២៥ ខែសីហា ឆ្នាំ២០២៣ស្ថិតក្នុងភូមិទ្រុងមាន់ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។

ប្រភពព័ត៌មានបានឱ្យដឹងថា សពជនរងគ្រោះទី១ មានឈ្មោះ ស្រី ពៅ ភេទស្រីអាយុ១៨ឆ្នាំ ជាបុគ្កលិតធ្វើការនៅKTVមួយកន្លែង ។ និងសពជនរងគ្រោះទី២មានឈ្មោះ ដារ៉ូ ភេទប្រុស អាយុ២៤ឆ្នាំ ធ្វើការនៅKTVជាមួយនិងនារីសង្សារ ។

បេីតាមប្រភពពីស្ត្រីមានម្នាក់ដែលជាសាច់ញាតិរបស់នារីរងគ្រោះបានប្រាប់ឱ្យថា នារីរងគ្រោះខាងលើបានសុំមកលេងផ្ទះអ្នកស្គាល់គ្នាកាលពីថ្ងៃទី២៣ ខែសីហា ឆ្នាំ២០២៣ ។ លុះបានពីថ្ងៃបាត់ដំណឹងមិនឃើញក្មួយរបស់ខ្លួនត្រលប់ផ្ទះវិញ ក៏បានមកទំនាក់ទំនងជាមួយមេកាខារ៉ាអូខេដែលនារីរងគ្រោះធ្វើការនិងបាននាំសាច់ញាតិមករកមើលនៅផ្ទះជួលបុរសដែលជាសង្សាររបស់នារីរងគ្រោះ ។ ពេលដែលនាំគ្នាឡើងទៅគោះទ្វាបន្ទប់តែគ្មានអ្នកឆ្លើយដោយជាប់គន្លិះពីខាងក្នុងក៏បានដាក់ជណ្តើរឡើងអើតមើលតាមប្រហោងឥដ្ឋខ្យល់ស្រាប់តែបានឃើញបុរសនារីដែលជាគូរសង្សាបានស្លាប់ទាំង២នាក់ម្នាក់ដែលជានារីស្លាប់លើឥដ្ឋការ៉ូ និងម្នាក់ដែលជាបុរសបានចងករស្លាប់នៅមាត់បន្ទប់ទឹក ។ ពេលដឹងថាមានមនុស្សស្លាប់ក្នុងបន្ទប់ជួលបែបនេះ ក៏មានការផ្អើលអស់បងប្អូនប្រជាពលរដ្ឋមកចោមរោមមើលនិងរាយការណ៏ជួនសមត្ថកិច្ចអោយចុះមកទីតាំងកើតហេតុ។

ជាមួយគ្នានោះ លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខ បានប្រាប់ឱ្យដឹងថាករណីខាងលើនេះជាករណីឃាតកម្ម ដោយបុរសជាសង្សារបានយកអាវមកខ្ទប់ច្រមុះនារីរងគ្រោះបណ្តាលឱ្យថប់ដង្ហើមរហូតដល់ស្លាប់រួចបានយកខ្សែទៅចងកសម្លាប់ខ្លួនឯងតាមក្រោយនៅមាត់ទ្វាបន្ទប់ទឹក ដោយនៅលើសពមានស្នាមប្រតៃប្រតប់គ្នាបានបន្សល់ស្នាមម្រាមដៃនារីរងគ្រោះនៅសពបុរសដែលជាសង្សារបស់ខ្លួន។

ក្រោយពេលកើត សមត្ថកិច្ចជំនាញផ្នែកកុសល្យវិនិឆ្ឆ័យបានចុះមកពិនិត្យសពគូរសង្សាទាំង២នាក់ខាងលើនិងបានធ្វេីកំណត់ហេតុប្រគល់សព ឱ្យទៅក្រុមគ្រួសារយកទៅធ្វើបុណ្យតាមប្រពៃណី ៕ដោយ ៖ ជីម ភារ៉ា