មេប៉ុស្ដិ៍រដ្ឋបាលឃុំស្រែចារ ត្រូវបានសម្រេច​ដកបញ្ឈរជើងជាបណ្តោះ​អាសន្ន ​​ ក្រោមហេតុផលមួយនេះ
សីហា
- 1827

ប្រិយមិត្តជាច្រើនប្រាកដជាបានដឹងរួចមកហើយ នាយប់ថ្ងៃទី២២ ខែវិច្ឆិកា ឆ្នាំ២០២៣ មានករណី​មេប៉ុស្តិ៍នគរបាល​រដ្ឋបាល​ស្រែចា​ ខេត្ត​ក្រចេះ​ ចុះទៅ​រករឿង​និង​បញ្ឈប់​ការ​សំដែង​ សិល្បៈ​ល្ខោន​បាសាក់​ ក្នុង​ពិធី​បុណ្យ​កឋិនមួយ​​នៅ​វត្ត​ក្នុង​ភូមិ​ អូរលុង​ ឃុំ​ស្រែចា​ ស្រុក​ ស្នួល​ ខេត្ត​ ក្រចេះ​ បានបង្ករការរិះគន់ខ្លាំង​លេីបណ្ដាញសង្គម​ហ្វេសប៊ុក​ ។

ក្រោយពីបានទទួលព័ត៌មានភ្លាម ស្នងការនគរបាលខេត្ត បានធ្វើការបាត់ក្រុមប្រឹក្សាវិន័យស្រាវជ្រាវ និងកោះហៅនាយប៉ុស្តិ៍នគរបាលរដ្ឋបាលស្រែចារ មកសាកសួរបំភ្លឺពិតជាបានសួររកលិខិតអនុញ្ញាត និងបង្កឲ្យមានការរំខានក្នុងការសម្តែងពិតប្រាកដ។ ក្រុមប្រឹក្សាវិន័យ បានសម្រេចដាក់វិន័យចំពោះលោកនាយប៉ុស្តិ៍នគរបាលរដ្ឋបាលស្រែបារ ដោយផ្អាកការងារជាបណ្តោះអាសន្ន និងមកបង្ហាញមុខនៅការិយាល័យបុគ្គលិករៀងរាល់ម៉ោងធ្វើការ។

ស្នងការដ្ឋាននគរបាលខេត្ត សូមធ្វើការអភ័យទោសចំពោះកំហុសឆ្គងរបស់មន្ត្រី នៃស្នងការដ្ឋាននគរបាលខេត្ត។​ទន្ទឹមនេះដែរ ស្នងការដ្ឋាននគរបាលខេត្តក្រចេះ សូមថ្លែងអំណរគុណ និងត្រៀមដើម្បីទទួលរាល់

កិច្ចសហការមតិរិះគន់ដើម្បីស្ថាបនានានា ពីប្រជាពលរដ្ឋគ្រប់មជ្ឍដ្ឋាន ពិសេសតាមបណ្តាញផ្សព្វផ្សាយសង្គមព័ត៌មាន។