(ភ្នំពេញ)៖ នៅព្រឹកថ្ងៃទី២២ ខែឧសភា ឆ្នាំ២០២៤នេះ មានករណីលែងក្រពើនៅស្រះទឹក ក្នុងបរិវេណសាកលវិទ្យាល័យភូមិន្ទភ្នំពេញ (RUPP) ហើយករណីនេះលោកបណ្ឌិត ជេត ជាលី សាកលវិទ្យាធិការ នៃសាកលវិទ្យាល័យភូមិន្ទភ្នំពេញ បានស្នើអ្នកដែលបានលែងជួយយកទៅវិញ។
![](/wp-content/uploads/2024/5/22/media/large/278513/441417118_755761173413284_8544315051263277105_n.jpg?1716364998)
![](/wp-content/uploads/2024/5/22/media/large/278512/441461746_755761203413281_4692893990957916701_n.jpg?1716364997)
![](/wp-content/uploads/2024/5/22/media/large/278511/442500060_755761193413282_1068101175686302549_n.jpg?1716364997)
ជាមួយគ្នានេះ បើសិនជាអ្នកលែងមិនយកទៅវិញទេ លោកបណ្ឌិត ជេត ជាលី ក៏បានស្នើរកអង្គការ ឬអ្នកដែលមានជំនាញខាងចិញ្ចឹមសត្វក្រពើ ជួយយកក្រពើនេះទៅវិញផង ខណៈវាកំពុងត្រូវបានចាប់យកទៅរក្សាទុក។ លោកបណ្ឌិត បានឱ្យដឹងថា អ្នកលែងគឺជាប្តីប្រពន្ធមួយគូ ហើយពេលសន្តិសុខសួរ ពួកគាត់កុហកថា ជាសត្វត្រកួត ប៉ុន្តែដោយសារមិនទុកចិត្ត សន្តិសុខបានចាប់ទុក ទើបដឹងថា ជាសត្វក្រពើ។
![](/wp-content/uploads/2024/5/22/media/large/278516/444957487_10161853472233538_5478685203737348950_n.jpg?1716365006)
![](/wp-content/uploads/2024/5/22/media/large/278515/443862284_10161853471983538_7498638392821913653_n.jpg?1716365005)
![](/wp-content/uploads/2024/5/22/media/large/278514/445002746_10161853472108538_6399224367563211073_n.jpg?1716365005)
លោកបណ្ឌិត បានបញ្ជាក់ថា «ជារឿងគ្រោះថ្នាក់ និងអាក្រក់បំផុតដែលមានមនុស្សយកកូនក្រពើមកលែងក្នុងទឹកស្រះសាកលវិទ្យាល័យយើង។ ថ្ងៃនេះជាថ្ងៃសីលធំសម្រាប់ពុទ្ធសានិកជន។ មានមនុស្សមួយចំនួនមានជំនឿថា ការដោះលែងសត្វឲ្យមានជីវិត និងសេរីភាពក្នុងថ្ងៃនេះជាទង្វើប្រកបដោយកុសលល្អខ្ពង់ខ្ពស់។ ប៉ុន្តែការដោះលែងសត្វមួយចំនួនឲ្យមានជីវិតបែរជាអាចបង្កគ្រោះថ្នាក់ដល់ជីវិតមនុស្សទៅវិញ។ សូមបងប្អូនបញ្ឈប់នូវទង្វើដ៏គ្រោះថ្នាក់នេះជាដាច់ខាត»។
![](/wp-content/uploads/2024/5/22/media/large/278517/445046256_10161853472178538_9201265086860512315_n.jpg?1716365019)
លោកបានអរគុណ និងកោតសរសើរបងប្អូនសន្តិសុខ ដែលបានទប់ស្កាត់ទាន់ពេលនូវទង្វើដ៏គ្រោះថ្នាក់នេះ និងស្នើឱ្យមានជំនឿប្រកបដោយវិចារណញ្ញាណត្រឹមត្រូវ៕