អាជ្ញាធរជាតិអប្សរា ជូនដំណឹងដល់សាធារណជន ភ្ញៀវជាតិ និងអន្តរជាតិ ព្រមទាំងប្រតិបត្តិករក្នុងវិស័យទេសចរណ៍ទាំងអស់ពីគោលដៅបង្កភាពងាយស្រួលក្នុងការថតវីដេអូ ឬរូបភាពសន្លឹកក្នុងរមណីយដ្ឋានអង្គរ។
អាជ្ញាធរជាតិអប្សរា បាន្យដឹងថា ក្នុងគោលដៅបង្កភាពងាយស្រួលជូនដល់សាធារណជន ជាភ្ញៀវជាតិ និងអន្តរជាតិ ព្រមទាំងប្រតិបត្តិករ ក្នុងវិស័យទេសចរណ៍ទាំងអស់ អាជ្ញាធរជាតិអប្សរា សូមជម្រាបជូនអំពីការកែសម្រួលនូវលក្ខខណ្ឌតម្រូវថ្មីពាក់ ព័ន្ធនឹងសេវាកម្មថតវីដេអូ ឬ រូបភាពសន្លឹក នៅក្នុងរមណីយដ្ឋានអង្គរ ដូចខាងក្រោម៖
ក. រាល់ការថតក្នុងគោលបំណងបម្រើឱ្យអាជីវកម្ម តម្រូវឱ្យដាក់ពាក្យស្នើសុំ និងត្រូវបង់ប្រាក់ ដែលរួមមាន ដូចជា៖
១-ការថតភាពយន្តខ្នាតធំ-តូចគ្រប់ប្រភេទ។
២-ការថតវីដេអូ និងរូបភាពសន្លឹក ដើម្បីផលិតចម្រៀងកាយវិការ, កម្មវិធីកម្សាន្ត, វីដេអូឯកសារ, ស្បតពាណិជ្ជកម្ម, សៀវភៅមគ្គុទ្ទេសក៍, ការបោះពុម្ពកាតាឡុក និងទស្សនាវដ្តី ជាដើម សម្រាប់ ការផ្សព្វផ្សាយ ទាំងលក្ខណៈក្នុងស្រុក និងអន្តរជាតិ។ និង
៣-ការថតវីដេអូ និងរូបភាពសន្លឹក ដោយឧបករណ៍ដូន។
ខ. រាល់ការថតក្នុងគោលបំណងមិនបម្រើឱ្យអាជីវកម្ម តម្រូវឱ្យដាក់ពាក្យស្នើសុំ តែមិនត្រូវបង់ប្រាក់ ដែលមានដូចជា ការថតរបស់អង្គភាពសារព័ត៌មានផ្លូវការ ទាំងក្នុង និងក្រៅប្រទេស ក្នុងគោលបំណង ផ្សព្វផ្សាយ។
គ. រាល់ការថតទាំងឡាយណាដែលមិនមានចែងក្នុងចំណុច (ក) និង (ខ) ខាងលើ មិនតម្រូវឱ្យដាក់ពាក្យ ស្នើសុំ និងមិនចាំបាច់ត្រូវបង់ប្រាក់ ដោយរាប់បញ្ចូលទាំងការថតផ្សព្វផ្សាយក្នុងប្រព័ន្ធបណ្តាញព័ត៌មានសង្គម (Facebook, Youtube, Tiktok…) ដោយទូរសព្ទដៃ ឬម៉ាស៊ីនថតផ្ទាល់ខ្លួននានា និងការថតរូបក្នុងសម្លៀកបំពាក់ អាពាហ៍ពិពាហ៍ ឬសម្លៀកបំពាក់ប្រពៃណីជាតិ ឬអន្តរជាតិ សម្រាប់ការចងក្រងជាអនុស្សាវរីយ៍ផ្ទាល់ខ្លួន៕
![](/wp-content/uploads/2024/8/3/media/large/278868/453097947_889651679652185_2856062641842783098_n.jpg?1722657777)
![](/wp-content/uploads/2024/8/3/media/large/278869/452567951_889651929652160_3300687797069711495_n.jpg?1722657786)
![](/wp-content/uploads/2024/8/3/media/large/278871/452846718_889651842985502_6012763966453223453_n.jpg?1722657786)
![](/wp-content/uploads/2024/8/3/media/large/278870/453215437_889651816318838_1060514687314296711_n.jpg?1722657786)
![](/wp-content/uploads/2024/8/3/media/large/278872/453299656_889651882985498_6944473002645738193_n.jpg?1722657786)
![](/wp-content/uploads/2024/8/3/media/large/278873/453416465_889651776318842_8667397041415997536_n.jpg?1722657786)
![](/wp-content/uploads/2024/8/3/media/large/278874/453722056_889651706318849_8006630893582014664_n.jpg?1722657786)
![](/wp-content/uploads/2024/8/3/media/large/278877/05-10-2023IMG_6899.jpeg4758_P2.jpg?1722658476)
![](/wp-content/uploads/2024/8/3/media/large/278876/cam-photo-angkor-wat-reuters-800x533.jpg?1722658477)
![](/wp-content/uploads/2024/8/3/media/large/278875/images.jpg?1722658476)
![](/wp-content/uploads/2024/8/3/media/large/278878/topic-6.-tourists-stand-to-watch-the-sunrise-at-the-top-of-angkor-wat-in-2016-by-hong-menea.jpg?1722658477)