កម្សាន្ត ៖ ជឿជាក់ថាមានប្រិយមិត្តជាច្រើនពិតជាបានស្គាល់រួចមកហើយថាកាលពីកន្លងទៅ កញ្ញា ហេង រិនសុម៉ាលីតា គឺជាធីតាឯកសង្ក្រាន្តឆ្នាំ២០២២ ដែលតំណាងឱ្យតួអង្គទេវតាឆ្នាំថ្មី ព្រះនាង កិរិណីទេវី បុត្រីទី ៥ នៃកបិលមហាព្រហ្ម។ កញ្ញាជាម្ចាស់ជ័យលាភីយ៉ាងស័ក្កិសមនៃធីតាឯកសង្ក្រាន្ដរដូវកាលទី៣ និងមានហ្វេនៗជាច្រើនចាប់អារម្មណ៍ខ្លាំងទៅលើរូបសម្រស់របស់កញ្ញាថែមទៀតផង ។
យ៉ាងណាមិញអ្វីដែលកាន់តែគួរឲ្យភ្ញាក់ផ្អើលនោះគឺនៅកាលពីថ្ងៃទី៩ ខែមីនា ឆ្នាំ ២០២៥ កន្លងទៅថ្មីៗនេះ ធីតាឯកសង្ក្រាន្តឆ្នាំ២០២២ រូបនេះបានដឹកដៃគូស្នេហ៍ចូលរោងការការតាមប្រពៃណី ក្រោយមើលចិត្តថ្លើមគ្នាអស់រយៈពេលជាយូរ។
មិនត្រឹមតែប៉ុណ្ណោះ ពិធីមង្គលការរបស់តារាស្រីរូបនេះគឺបានធ្វើឡើងយ៉ាងអធិកអធម និងទៅតាមទំនៀមទម្លាប់ប្រពៃណីខ្មែរ ដោយមានចាស់ទុំសងខាងដឹងឮ និងទទួលបាការចូលរួមយ៉ាងច្រើនកោះករ ពីសំណាក់សាច់ញាតិ បងប្អូន និងមិត្តភ័ក្ដិទាំងក្នុងនិងក្រៅសិល្បៈផងដែរ ៕
