នៅថ្ងៃទី ០៣-០៤-២០២៥ នេះបន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា ដែលបានបណ្តាលឱ្យជួបគ្រោះដ៏ធំនៅភូមានិងថៃ មានរណ្តៅបំណាក់ស្រុតដ៏ធំ(sinkhole)មួយនៅក្នុងវាលស្រែរបស់អ្នកភូមិនៅ Ban Mae Surin ស្រុក Khun Yuam ខេត្ត Mae Hong Son ប្រទេសថៃ។ ចៅហ្វាយស្រុក Khun Yuam រួមជាមួយនឹងមន្ត្រីក្នុងតំបន់ និងអ្នកជំនាញភូគព្ភវិទូជាន់ខ្ពស់បានរួមគ្នាត្រួតពិនិត្យមើលរន្ធដ៏ធំនេះ។
ពួកគេបានរកឃើញថាតំបន់នៅខាងក្រោមជាប្រហោងដែលអាចនឹងត្រូវបានទទឹកហូរច្រោះ។ នៅពេលដែលមានការផ្លាស់ប្តូរកម្រិតទឹកក្រោមដី ដែលអាចបណ្តាលមកពីការរញ្ជួយដី ប្រព័ន្ធទឹកក្រោមដីមានការប្រែប្រួល ដែលជាហេតុធ្វើអោយមានបំណាក់ស្រុតនេះ ដែលនេះបង្កើតប្រហោងក្រោមដី បណ្តាលឱ្យដីននៅស្រទាប់ខាងកើបាក់ចុះ ហើយជាលទ្ធផលបង្កើតជារន្ធលិចដូចបានឃើញ។ មន្ត្រីបានស្នើឲ្យមន្ត្រីភូគព្ភសាស្ត្រចុះពិនិត្យតំបន់នោះទៀតនៅថ្ងៃទី៣ ខែមេសា។តំបន់ជាប់ព្រំដែនភូមា ២ទៀត មានខេត្តឆៀងម៉ៃ និងឆៀងរ៉ៃក៏នៅទទួលរងផលប៉ះពាល់គ្រប់ពេលដែលមាន Aftershock នៅភូមា៕
