នាយករដ្ឋមន្ត្រីថៃ Paetongtarn Shinawatra នៅថ្ងៃនេះ បានចេញសេចក្តីថ្លែងការណ៍មួយដោយនិយាយថា ប្រទេសថៃបានត្រៀមខ្លួនរួចជាស្រេចក្នុងការចរចា និងកែសម្រួលពន្ធគយរបស់ខ្លួនដែលបានដាក់លើទំនិញរបស់សហរដ្ឋអាមេរិក ដើម្បីធានាបាននូវពាណិជ្ជកម្មដោយស្មើភាពសម្រាប់ប្រទេសទាំងពីរ។ ប្រទេសថៃ និងសហរដ្ឋអាមេរិក។
សេចក្តីថ្លែងការណ៍នេះបានធ្វើឡើងប៉ុន្មានម៉ោងបន្ទាប់ពីការដកពន្ធដែលដាក់ដោយប្រធានាធិបតីអាមេរិកលោក Donald Trump លើប្រទេសជាច្រើនរួមទាំងប្រទេសថៃផងដែរ ដែលប្រឈមមុខនឹងការយកពន្ធ 36 ភាគរយ ដែលមានប្រសិទ្ធភាព ចាប់ពីថ្ងៃទី 9 ខែមេសា ប្រសិនបើគ្មានអ្វីផ្លាស់ប្តូរ។ នាយករដ្ឋមន្ត្រីក៏ស្នើឱ្យក្រុមហ៊ុននាំ ចេញថៃសម្លឹងពង្រីកទៅទីផ្សារផ្សេងទៀតផងដែរ ។
គួរបញ្ជាក់ផងដែរថា ពន្ធឆ្លើយតបឱ្យស្មើគ្នា ឬ Reciprocal Tariffs នេះ ត្រូវបានប្រកាសឡើងកាលពីថ្ងៃពុធ (ម៉ោងនៅសហរដ្ឋអាមេរិក) ដោយកំណត់គោលដៅលើប្រទេស និងតំបន់ចំនួន ១៨០ នៅជុំវិញពិភពលោក ដោយរួមមាន៖
កម្ពុជា៖ ៤៩ ភាគរយ
ឡាវ៖ ៤៨ ភាគរយ
វៀតណាម៖ ៤៦ ភាគរយ
មីយ៉ាន់ម៉ា៖ ៤៤ ភាគរយ
ថៃ៖ ៣៦ ភាគរយ
ឥណ្ឌូណេស៊ី៖ ៣២ ភាគរយ
ម៉ាឡេស៊ី៖ ២៤ ភាគរយ
ហ្វីលីពីន៖ ១៧ ភាគរយ
សិង្ហបុរី៖ ១០ ភាគរយ
ប្រទេសក្រៅតំបន់អាស៊ីអាគ្នេយ៍ផ្សេងៗទៀត ដែលជាប់ពន្ធខ្ពស់រួមមាន៖
ចិន៖ ៣៤ ភាគរយ (បន្ថែមពីលើពន្ធ ២០ ភាគរយ ដែលមានស្រាប់)
សហភាពអឺរ៉ុប៖ ២៤ ភាគរយ
ស្រីលង្កា៖ ៤៤ ភាគរយ
តៃវ៉ាន់៖ ៣៤ ភាគរយ
បង់ក្លាដែស៖ ៣៧ ភាគរយ
ឥណ្ឌា៖ ២៦ ភាគរយ
ប៉ាគីស្ថាន៖ ២៩ ភាគរយ
និងបណ្ដាប្រទេស និងតំបន់ជាច្រើនផ្សេងៗទៀត ក្នុងអត្រាចាប់ពី ១០ ភាគរយ ដល់ ៥០ ភាគរយ៕
