បើទោះមិនមានសង្ឃឹមថាមានអ្នកនៅរស់ តែក្រុមសង្គ្រោះនៅតែបន្តការងាររុករកសាកសពទាំងយប់ទាំងថ្ងៃ ជាមួយក្លិនសាកសពឆួលទ្រាំមិនបាន នៅកប់ក្រោមគំនរសសៃដែកគដូចភ្នំទាំងនេះនៃអាគា 30 ជាន់ដែលរលំដោយរញ្ជួយដី ឈានចូលដល់ថ្ងៃទី 12ហើយ ។
ក្រុមសង្គ្រោះបានរកឃើញសាកស.ពបន្ថែមបន្តបន្ទាប់ទៀត ក្រោយយកផ្ទាំងថ្មបេតុងធំៗចេញរួច ដោយស្កេនឃើញ សាកសពជិត 70សាកសពទៀត កប់នៅក្រោមគំនរថ្មនិងសាកសពទាំងនេះ ដែលជាដំណឹងធ្វើអោយគ្រួសារសាច់ញាតិ របស់ជនរងគ្រោះកាន់តែក្តុកក្តួលខ្លាំង ។
លទ្ធផលនៃការខិតខំប្រើប្រាស់គ្រឿងចក្រធំៗ ការវាយកម្ទេចអគារដែលបាក់រលំនៅតែបន្តពេញមួយយប់ដើម្បីបើកផផ្លូវ ចូលទៅកាន់តំបន់ខាងក្នុងនៃអគារ ជម្រើសជំនួសការបញ្ជូនក្រុមស្វែងរក ដើម្បីស៊ើបអង្កេតតំបន់នេះនៅចំណុចផ្សេងៗ រហូតដល់រកឃើញមនុស្សដែលជាប់នៅក្នុងតំបន់ B និង C។
លោក Anwut Pho-ampai ប្រធានផ្នែករថយន្តសង្គ្រោះរបស់មូលនិធិ Ruamkatanyu បានបង្ហើបថា នៅពេលដែលគ្រឿងចក្រអាចរុះរើបាន ហើយរកឃើញប្រហោងជម្រៅជាង 4 ម៉ែត្រនៅក្នុងតំបន់ C ក្រុមការងារស្រាវជ្រាវត្រូវបានបញ្ជូនមកស៊ើបអង្កេត ហើយបានរកឃើញថាសាកសពមនុស្សម្នាក់នៅតែជាប់ ប៉ុន្តែមន្ត្រីមិនអាចយកចេញបានទាំងអស់។ ដោយសារតែបញ្ហារចនាសម្ព័ន្ធដែលកំពុងសង្កត់លើសាកសពជនរងគ្រោះ។
លោក Fandee Charoenthanakon តំណាងអ្នកស្ម័គ្រចិត្តជួយសង្គ្រោះ Jai Tung Jai អ្នកចូលរួមបេសកកម្មបានបង្ហាញថា ការស្វែងរកគឺស្ថិតនៅក្នុងតំបន់ B ក្រុមស្វែងរក និងជួយសង្គ្រោះ និងសត្វឆ្កែ K9 បានរកឃើញទីតាំងសង្ស័យចំនួន2 ដែលមនុស្សជាប់ ប៉ុន្តែមិនអាចទៅដល់មនុស្សដែលជាប់នៅខាងក្នុងនោះទេ ដូច្នេះ មន្ត្រីត្រូវប្រើគ្រឿងចក្រធុនធ្ងន់ ដើម្បីរុះរើវាម្តងទៀត ។
រហូតដល់ម៉ម៉ោង.30នាទីទៀបភ្លឺ សមត្ថកិច្ចបានចល័តក្រុមស្រាវជ្រាវម្តងទៀត ដើម្បីចុះអង្កេតតំបន់នោះតាមផែនការ និងព្យាយាមយកសាកសពជនរងគ្រោះចេញពីបំណែកដែកនិងថ្ម ហើយគេរាយការណ៍ថា មន្ត្រីជំនាញអាចយកជនរងគ្រោះចេញបានយ៉ាងហោចណាស់ពីរនាក់ចនាកបាន ដោយម្នាក់ទៀតកំពុងបន្តដំណើរការ។
ផ្នែកមួយនៃផែនការកាត់បន្ថយកម្ពស់នៃអគារដែលបាក់រលំ ស្ទូចទម្ងន់ 1,000 តោននឹងត្រូវបានប្រើដើម្បីទ្រទ្រង់ការរុះរើសំណល់អគារខាងលើ។ រថយន្តស្ទូចទម្ងន់ 1000តោន ត្រូវបានគេរំពឹងថានឹងមកដល់កន្លែងកើតហេតុនៅព្រឹកនេះ។
ចំនួនអ្នកស្លាប់ ដោយមិនរាប់បញ្ចូលអ្នកដែលត្រូវបានជម្លៀសចេញកាលពីយប់មិញ មានចំនួន 20នាក់(រកឃើញ3ថែមទៀត) ខណៈមនុស្សចំនួន 77 នាក់នៅតែបាត់ខ្លួន។
ចំនួនមនុស្សដែលត្រូវបានគេជួយសង្គ្រោះពីអគារនេះមិនទាន់កំណត់ជាផ្លូវការនៅឡើយទេ ដែលត្រូវរង់ចាំការបញ្ជាក់បន្ថែមពីមន្ត្រីនៅព្រឹកនេះ។
ក្រុមស៊ើបអង្កេតបានធ្វើការប្រមូលភស្តុតាងផ្សេងៗ ដើម្បីរកអោយឃើញមូលហេតុពិតនៃការដួលរលំអាគាកំពស់ 30ជាន់នេះ ក្រៅពីរញ្ជួយដី វាអាចមានហេតុផលអ្វីផ្សេង ទៀត ៕ ប្រភព: pbs news សម្រួលអត្ថបទដោយ៖ Aplus Tripz
