ប្រពន្ធខ្ញុំខ្ជិលដល់ថ្នាក់ម្ហូបក៏មិនធ្វើ ក្រោយពីលែងលះទើបដឹងការពិត ខ្ញុំក៏ត្រូវខូចចិត្ត។

ខ្ញុំនិងភរិយារៀបការបាន ៥ឆ្នាំហើយ តាំងពីស្រលាញ់គ្នារហូតបានរៀបការយើងស្រលាញ់គ្នាណាស់ មិនថាភរិយាធ្វើអ្វី និស័យបែបណា ខ្ញុំនៅតែស្រលាញ់នាងដដែល។ក្រោយពីរៀបការភរិយាខ្ញុំឧស្សាហ៍ព្យាយាមណាស់ ទាល់តែពេលដែលនាងមានគភ៌និងសំរាលកូន។ខ្ញុំនិងភរិយាឈ្លោះគ្នាតិចណាស់ ពួកយើងចេះអោយអធ្យាស្រ័យគ្នាទៅវិញទៅមក ។ ក្រោយពីសំរាលកូននាងក៏មិនបានទៅធ្វើការទៀតទេ ម្ដាយរបស់ខ្ញុំតែងតែរអ៊ូពីរឿងនេះ ហើយនៅពេលដែលម្ដាយក្មេកនិងកូនប្រសារមិនចុះសម្រុងគ្នា ខ្ញុំក្លាយជាអ្នកដែលនៅកណ្ដាលសែនពិបាកចិត្ត ម្ខាងក៏ម្ដាយ ម្ខាងក៏ភរិយាមិនដឹងថាត្រូវធ្វើយ៉ាងណាល្អទេ ចុងក្រោយខ្ញុំក៏សម្រេចចិត្តរស់នៅបែកពីម្ដាយ តែបញ្ហាមិនបានចប់ត្រឹមនឹងទេ។ ខ្ញុំមិនដឹងថាមកពីម្ដាយខ្ញុំឬយ៉ាងណាព្រោះភរិយាខ្ញុំកាន់តែខ្ជិលឡើងៗ មកដល់ផ្ទះគ្មានបាយញ៉ាំហើយកូនក៏ញ៉ាំតែរបស់មិនល្អ រឿងនេះម្ដាយខ្ញុំក៏បានរអ៊ូដាកខ្ញុំ2-3ដងដែរ ខ្ញុំខ្លួនឯងក៏ទ្រាំសឹងតែមិនបានជាមួយនឹបញ្ហានេះ។ខ្ញុំធ្លាប់បាននិយាយនឹងភរិយាម្ដងដែរ តែភរិយាបែរជាធ្វើមិនដឹងហើយនិយាយថា វាជារឿងធម្មតាទេ បងសាកមកនៅផ្ទះមើលកូនម្ដងក៏បានចាំខ្ញុំទៅធ្វើការវិញ។ ពេលនាងនិយាបែបនេះខ្ញុំក៏មិនដឹងថាត្រូវនិយាយអ្វីបន្តទេ ចាប់ពីពេលនោះយើងក៏ឈ្លោះគ្នាច្រើនឡើង យាយរបស់ភរិយាក៏មកជេរថាគ្រួសារខ្ញុំធ្វើបាបនាង ទាំងដែលគ្មានអ្នកណាធ្វើអ្វីសោះ ទង្វើរបស់យាយបានធ្វើអោយទំនាក់ទំនងយើងកាន់តែអាក្រក់ទៅៗ។ ពេលដែលខ្ញុំត្រូវទៅធ្វើការនៅក្រៅប្រទេស 3-4ខែមិនបានមកផ្ទះទេ តែភរិយាមិនសូវទូរស័ព្ទរកខ្ញុំទេ នាងបានទូរស័ព្ទរកខ្ញុំតែ2-3ដងប៉ុន្នោះព្រោះតែនាងត្រូវការលុយចាយវាយ មានតែខ្ញុំទេដែលសួរសុខទុក្ខនោះ។ ពេលខ្ញុំត្រលប់មកផ្ទះ ខ្ញុំតក់ស្លុតយ៉ាងខ្លាំងព្រោះតែសភាពនៅក្នុងផ្ទះរញ៉េរញ៉ៃ ខ្ញុំសួរនាងថាហេតុអីបណ្ដោយអោយផ្ទះទៅជាបែបនេះ នាងមិនតបតែទឹកមុខនាងស្លេកស្លាំង ចុងក្រោយយើងឈ្លោះគ្នាហើយបានលែងលះនៅឯសាលាស្រុក នាងសុំអោយខ្ញុំជាអ្នកចិញ្ចឹមកូន នាងសុំតែរួចខ្លួនប៉ុណ្ណោះ។ ពួកយើងបានលែងលះយ៉ាងស្ងប់ស្ងាត់ អ្នកនៅក្នុងផ្ទះគ្មានអ្នកណាដឹងទេ តែក្រោយពីការលែងលះខ្ញុំគ្មានក្ដីសុខទេ ខ្ញុំតែងតែនឹកនាងរហូត។កន្លងទៅច្រើខែ មានមិត្តជិតស្និតរបស់ភរិយាខ្ញុំបានប្រាប់ខ្ញុំថាភរិយាខ្ញុំចូលមន្ទីរពេទ្យ ខ្ញុំក៏ប្រញ៉ាប់ទៅមើលនាងនៅមន្ទីរពេទ្យ នាងដេកនៅលើគ្រែអ្នកជំងឺរូបរាងស្គមរីងរៃ នាងមើលមុខខ្ញុំទាំងទឹកភ្នែក ពេលនោះទើបខ្ញុំដឹងថា នាងមានជំងឺរ៉ាំរ៉ៃក្រោយពីការសំរាលកូន ឈឺចង្កេះជាប្រចាំ តែនាងមិនដែលប្រាប់ខ្ញុំទេ។ថ្ងៃនេះមិត្តរបស់ភរិយាខ្ញុំបានរៀបរាប់ថា ព្រោះតែខ្ញុំជាអ្នករកលុយតែម្នាក់ឯង ហើយប្រាក់ខែក៏បានតែសម្រាប់ចាយវាយក្នុងផ្ទះ ការព្យាបាលត្រូវចំណាយច្រើននាងក៏សុខចិត្តទ្រាំ កាងារផ្ទះក៏ធ្វើមិនសូវបាន។ខ្ញុំខូចចិត្តណាស់ បន្ទោសខ្លួនឯងដែលមិនបានយកចិត្តទុកដាក់លើភរិយា ហើយពីពេលនេះទៅខ្ញុំនឹងនៅថែទាំនាងរហូត។ រឿងនេះប្រៀបដូចជាប្រលោមលោកតែ វាពិតជារឿងដែលកើតឡើងច្រើនណាស់លើសុខភាពស្ត្រី ស្ត្រីគ្រប់រូបតែងតែគិតគូរពីស្វាមីជាងខ្លួនឯងសូមអ្នកថែទាំនាងអោយបានល្អផង។ រក្សារសិទ្ធិដោយ៖KhmerNewsNews