ប្រជាពលរដ្ឋខ្មែរចំនួន៥នាក់ និងម៉ាស៊ីនអារឈើ មួយគ្រឿង ត្រូវបានទាហានថៃ ធ្វើការឃាត់ខ្លួន - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ប្រជាពលរដ្ឋខ្មែរចំនួន៥នាក់ និងម៉ាស៊ីនអារឈើ មួយគ្រឿង ត្រូវបានទាហានថៃ ធ្វើការឃាត់ខ្លួន

ប្រទេសថៃ៖ កាលពីយប់ថ្ងៃទី២៦ ខែមេសា ឆ្នាំ២០១៨ នៅចំណុចចំការស្វាយ (បាងផាកាតចាស់) ចន្លោះបង្គោលសីមាលេខ ៦៧-៦៨ ទាហានថៃ កងអនុសេនាធំលេខ៥៤៥ បានឃាត់ ខ្លួនប្រជាពលរដ្ឋខ្មែរចំនួន ៥នាក់ រួមជាមួយម៉ាស៊ីនអារឈើ ១គ្រឿង បម្រុងឆ្លងដែនលួចកាប់ឈើខុសច្បាប់ ។

បើយោងសមត្ថកិច្ចបានប្រាប់ថា ពលរដ្ឋខ្មែរទាំង ៥នាក់ រួមមាន ទី១-ឈ្មោះ សួន ភារិទ្ធ ភេទប្រុស អាយុ២៤ឆ្នាំ មុខរបរ កសិករ រស់ នៅស្រុកសាលាក្រៅ ខេត្ដប៉ៃលិន, ទី២-ឈ្មោះ សាយ ចាន់ ភេទប្រុស អាយុ៣០ឆ្នាំ មុខរបរ កសិករ រស់នៅភូមិបរហ៊ុយត្បូង សង្កាត់បរយ៉ាខា ក្រុងប៉ៃលិន ខេត្ដប៉ៃលិន, ទី៣-ឈ្មោះ ញាញ ភេទប្រុសអាយុ២០ឆ្នាំ មុខរបរ កសិករ, ទី៤-ឈ្មោះ ឃឿន ភេទប្រុស អាយុ ២៦ឆ្នាំ មុខរបរ កសិករ ៥-ឈ្មោះ ផែង ភេទប្រុស អាយុ២៥ឆ្នាំ មុខរបរកសិករ អ្នកទាំងបួនរស់នៅភូមិឃុំជាមួយគ្នា ។ បច្ចុប្បន្ន ពលរដ្ឋខ្មែរទាំង ៥នាក់ ត្រូវបានបញ្ជូនទៅ នគរបាលស្រុកពោងណាំរ៉ន ខេត្ដចាន់បូរី ប្រទេសថៃ ។ នេះបើយោងតាមការចេញផ្សាយ របស់អគ្គស្នងការនគរបាលជាតិ ៕ ដោយ៖ អាឆើត

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។