ភ្នំពេញ ​៖ នេះសមត្ថកិច្ច​កងរាជ​អាវុធ​ហត្ថ ​ខេត្ត​បាត់ដំបង ​សហការ​ ជាមួយ​អាវុធ ​ហត្ថ​រាជធានី​ភ្នំពេញ​ ​ ចាប់​ខ្លួន​ស្ត្រី​ម្នាក់ ​ពី​បទ​ចេញ​សែក​គ្មាន​សាច់​ប្រាក់​ជាង​១៤ម៉ឺន​ដុល្លារ ​អាមេរិក​ នៅ​ចំណុច​បុរី​វិមាន​ភ្នំពេញ​ ខណ្ឌ​សែនសុខ​ នៅ​ព្រឹក​ថ្ងៃ​ទី​១​ ខែ​ឧសភា​ ឆ្នាំ​២០១៨​។

ស្ត្រី​រូប​នេះ​ឈ្មោះ​ យុត​ ស្រីវន​ អាយុ៤២ឆ្នាំ​ មានទីលំនៅផ្ទះលេខ ៧០​ ក្រុមទី៥​ សង្កាត់ចំការសំរោង​ ក្រុងបាត់ដំបង​ ខេត្តបាត់ដំបង​ ។ លោក​ ញូង​ ចន្ធី​ ចៅក្រមស៊ើបសួរ សាលាដំបូងខេត្តបាត់ដំបង ត្រូវបានដាក់ឱ្យស្ថិតក្រោមការត្រួតពិនិត្យ ពីបទ"ចេញមូល ប្បទានប័ត្រ គ្មានសាច់ប្រាក់" ប្រព្រឹត្តនៅខេត្តបាត់ដំបង​ កាលពីថ្ងៃទី១៩​ ខែកុម្ភះ​ ឆ្នាំ២០១៦​ តាមមាត្រា២៣១​ នៃច្បាប់ស្តីពីឧបករណ៍អាចជួញដូរ បាននិងប្រតិបត្តិការទូទាត់សាច់ប្រាក់។ ហើយការចាប់ខ្លួនស្រ្តីរូបនេះ គឺដោយសារ​ជនត្រូវចោទតែងតែគេចវេះ​ មិនចូលបង្ហាញខ្លួន​តាមដីការបស់តុលាការជាច្រើនលើក​ ។ បច្ចុប្បន្ន​ ស្ត្រីរូបនេះត្រូវបានបញ្ជូនទៅ​សាលាដំបូង ​ខេត្ត​បាត់ដំបង​ ដើម្បី​ចាត់​ការ​បន្ត​តាម​នីតិវិធី​៕ ដោយ៖ អាឆើត