ភ្នំពេញ៖ ប្រិយមិត្តពិតជាបានស្គាល់រួចមកហើយ នូវ ឧក​ញ៉ា​ចិត្ត​ធម៌​ មួយរូបដែលតែងតែជួយដល់សង្គម និង មន្ទីរពេទ្យគុន្ធបុប្ពា អ្នកឧកញ៉ា ហុង ពីវ ខណៈនេះអ្នកឧកញ៉ា និងជានាយកប្រតិបត្តិនៃទឹក្រុមហ៊ុនពិភពថ្មី Group រូបនេះ តែងតែជួយដល់​អ្នក​ខ្វះខាត មិនតែប៉ុណ្ណោះលោកបានចំណាយលុយដ៏ច្រើន ដល់ខ្ទង់​លានដុល្លារ​រួម​ចំណែក​លើការ​ងារ​មនុ​ស្ស​ធម៌មួយ​លើកៗ។

គួរបង្ហាញឲ្យឃើញថា «ក្នុងដើមឆ្នាំ ២០១៦ និងក្នុងដើមឆ្នាំ ២០១៧ និង​ដើមឆ្នាំ២០១៨ អ្នកឧកញ៉ា បាន​ឧប​ត្ថម្ភ​ដល់មន្ទីរ​ពេទ្យ​គុន្ធបុប្ផាមួយឆ្នាំចំនួន​សុទ្ធតែ​ជាង​២លានដុល្លារ​ដើម្បី​អោយមន្ទីរ​ប្រើ​ប្រាស់​សំរាប់​ការ​ចំណាយ​ផ្សេង​។ សប្បុរសធម៌ដ៏មហាសាលនេះ អ្នកឧកញ៉ា ក្រៅពីបរិច្ចាគជួយដល់អ្នកក្រីក្រ ខ្សត់​ខ្សោយ​ជា​ច្រើន លោកក៏បានឧបត្ថម្ភដល់មូលនិធិសិល្បៈចាស់ជរា របស់​សមាគមមិត្ត​សិ​ល្បៈស្មគ្រចិត្តជួយសង្គម មួយឆ្នាំចំនួន៥ម៉ឺនដុល្លារផងដែរ ដែលទឹកចិត្តនេះ អ្នកឧកញ៉ា ចិត្តធម៌រូប​នេះ​បាន​ធ្វើពីរឆ្នាំជាប់គ្នា។ កាន់តែធ្វើឲ្យមហាជនមន្រ្តីតូចធំផងអត់ទ្រាំ មិនសរសើរអ្នកឧកញ៉ា ហុង ពីវ មិនបាននោះគឺ នៅព្រឹក​ថ្ងៃ​ទី​៨ឧសភានេះ ក្នុងវេទិកា ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា លើកទី១៥៥ ក្រោម​ប្រធានបទ«កាកបាទក្រហមកម្ពុជា មានគ្រប់ទីកន្លែង សម្រាប់គ្រប់ៗគ្នា ដោយមិនទុកនរណា​ម្នាក់​ចោល»​ ដែលពិធីនេះធ្វើឡើងនៅទីស្នាក់ការកណ្ដាលកាកបាទក្រហមកម្ពុជា រាជធានីភ្នំពេញ ក្រោម​អធិ​បតីភាព​វត្ត​​មានដ៏ខ្ពង់ខ្ពស់ ពីសម្តេចនាយករដ្ឋមន្រ្តី នៃព្រះរាជាណាចក្រកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជានោះ អ្នកឧកញ៉ា ហុង ពីវ ក៏បាន​ឧបត្ថម្ភដល់កាក​បាទក្រហមក​ម្ពុ​ជា​ចំនួនទឹកប្រាក់ ១,២៨០,០០០ដុល្លារអាមេរិក(មួយលានពីរសែនប្រាំបីម៉ឺនដុល្លារ)។ ដោយសារចំនួនទឹកចិត្តមនុស្សធម៌ដ៏ច្រើនលើសលុប និងមានចំនួនកើតឡើងពីរមួយឆ្នាំទៅមួយឆ្នាំ ពីទឹក​ចិត្តអ្នកឧកញ៉ា ហុង ពីវ នេះ ក៏ត្រូវបានមហាជនសាទរ និងជូននូវកាដូលើកទឹកចិត្តអ្នកឧកញ៉ ក្រៅពីពាក្យ​ថា ឧកញ៉ា ចិត្តធម៌នោះនូវពាក្យថ្មីថា «អ្នកឧកញ៉ា ហុង ពីវ នៅតែបន្តរក្សាខ្សែក្រវាត់​ឧបត្ថម្ភថវិកាស​ប្បុរ​ស​ធម៌មានចំនួនច្រើនជាង»៕ ប្រភព៖ dara-news