ក្តៅៗ...គ្មានករណីលួចកាត់យកដែកនៅក្រោមស្ពានបេឡេឫស្សីកែវ​នោះទេ សូមបងប្អូនកុំ...(មានវីដេអូ)
-

ភ្នំពេញ៖ ក្រោយពីមានរឿងដ៏គួរឲ្យភ្ញាក់ផ្អើលមួយបានកើតឡើង អំពីហេតុការណ៍​ចោរ​ជិះ​ទូក​ទៅ​កាត់​ស្ពាន​នោះ គឺជារឿងមិនពិតនោះទេ នេះបើយោងតាម រដ្ឋបាលរាជធានីភ្នំពេញ បានចុះផ្សាយ។ នៅក្នុងនោះអ្នក​នាំ​ពាក្យ​សាលា​រាជធានី​ភ្នំពេញ បាន​អះអាង​ថា "ដោយទទួលបានព័ត៌មានពីករណីលួចកាត់យកដែកនៅក្រោមស្ពានបេឡេឫស្សីកែវ នៅព្រឹកថ្ងៃទី៩ខែឧសភាឆ្នាំ២០១៨នេះ ក្រុមវិស្វករមន្ទីរសាធារណការ និងដឹកជញ្ជូនរាជធានីភ្នំពេញ និងវិស្វករការដ្ឋានរបស់ក្រុមហ៊ុន OCIC បានចុះពិនិត្យតួស្ពាននៅទីតាំងកន្លែងកើតហេតុ ឃើញថា មានករណីប្រជាពលរដ្ឋជិះទូកមកយកដែកដែលសេសសល់ពីការសំអាតការដ្ឋាន និងដែកការពារសុវត្ថិភាពការដ្ឋានក្នុងពេលសាងសង់កន្លងមក ដែលការដ្ឋានកំពុងរុះរើសំអាតដឹកចេញ ។ ចំពោះដែកបេឡេតួស្ពានទាំងមូល គឺមិនមានការបាត់បង់ ឬប៉ះពាល់ដល់គ្រោងដែកសំណង់ស្ពានឡើយ។ អាស្រ័យហេតុនេះ សូមបងប្អូនប្រជាពលរដ្ឋជ្រាប និងសូមអញ្ជើញធ្វើចរាចរឆ្លងកាត់ជាធម្មតា។​ សូមអរគុណ"។ ចំពោះប្រភពពីលោក ផែង វណ្ណៈ ក៏បានរៀបរាប់ថា "គ្មានការលួចកាត់សរសរស្ពានដែកនៅខណ្ឌជ្រោយចង្វារ​ ឆ្លងទៅ​ ខណ្ឌឬស្សីកែវទេ"។

សូមទស្សនាវីដេអូ៖ ប្រភព៖ Vannak Pheng​ និង រដ្ឋបាលរាជធានីភ្នំពេញ